“Тусгаар тогтнол” яруу найргийн наадмын тэргүүн байранд О.Цэнд-Аюуш шалгарчээ

2013 оны 11-р сар 26-нд 18:50 цагт
Мэдээний зураг,

Улс тунхагласны баярт зориулан НАМЗХ, Монголын зохиолчдын эвлэл хамтран зохион байгуулж буй “Тусгаар тогтнол” яруу найргийн наадмын шилгүүд тодорлоо. 

Тус наадмын II шатанд 22 яруу найрагч шалгаран үлдээд байснаас Гомбын Сэр-Одын нэрэмжит шагналт яруу найрагч О.Цэнд-Аюуш түрүүлж цом, өргөмжлөл, мөнгөн шагналаар шагнагдлаа. Харин удаах байруудад Д.Нацагдоржийн нэрэмжит шагналт яруу найрагч П.Нямлхагва, МЗЭ-ийн шагналт яруу найрагч Л.Ганзул, Б.Чулуунцэцэг, Б.Баттулга нар шалгарчээ.

Энэхүү яруу найргын наадам нь Монгол Улсын халдашгүй дархан байдал, түүний үнэ цэнийг олон түмэнд түгээх, эх орныхоо тусгаар тогтнолын төлөө халуун цус бүлээн амиа үл хайрлан тэмцэж ирсэн өвөг дээдэс, монгол хүний дархлаа болсон эх хэл гайхамшигт соёлоороо бахархах үзлийг хойч үе хүүхэд залуучуудад төлөвшүүлэх зорилготой аж. Наадамд оролцох яруу найрагчид эх орон, тусгаар тогтнолын сэдэвтэй хоёр шүлгээр өрсөлджээ. 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.