Хууль бус загас агнаж байсан гадаад, дотоодын иргэдийг саатуулжээ

Twitter Print
2014 оны 10-р сар 30-нд 17:41 цагт
Мэдээний зураг,

Онон голд гадаадын хүмүүстэй хамт зөвшөөрөлгүй загасчилж байсан Монголын иргэдийг хилчид илрүүлжээ. Дээр этгээдүүдийг шалгахад Хэнтий аймгийн Баян-Уул суман дахь Хилийн 0275 дугаар ангийн Ульханы заставын хариуцсан хэсэг, улсын хилээс 4.5 км-ийн зайтай Онон голд Украйны хоёр иргэн, Канадын иргэншилтэй нэг иргэн, манай улсын гурван иргэн хилийн бүс зурваст нэвтрэх зөвшөөрөлгүй загасчилж байжээ.

Тэдгээр гадаадын гурван иргэнийг орон нутгийн Иргэний харьяалал, шилжилт хөдөлгөөний газарт шилжүүлж, дотоодын гурван иргэнд Захиргааны хариуцлагын тухай хуулийн дагуу арга хэмжээ авсан байна. Мөн Ховд болон Өмнөговь аймгийн хилийн бүс зурваст нэвтрэх зөвшөөрөлгүй явж байсан бүлэг хүмүүсийг хилчид саатуулжээ. Дээрх хүмүүс нь тус бүр таван хүний бүрэлдэхүүнтэй алт хайх зорилгоор явж байсан нь шалгалтын явцад тогтоогдсон байна.

 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.