Аварга тосон эрүүл мэндийн аялал жуулчлалын цогц төв байх боломжтой

Twitter Print
2020 оны 03-р сар 16-нд 09:56 цагт
Мэдээний зураг,

Аварга Тосон нуур нь жилд 25000 гаруй амрагч, 7000 орчим машин цуглардаг, амралт сувиллын үйл ажиллагаа явуулдаг бүс юм. Гэвч энд даац хэтрүүлсэн газар олголт явагдаж 244 иргэн, аж ахуй нэгж, байгууллага газар эзэмших гэрчилгээ олгосон нь Аварга Тосон нуурын эко орчинг эвдэж орхисон юм.

2019 оны 6 сард БОАЖ-ын сайдын тушаалаар ажлын хэсэг томилогдож нуурыг хамгаалах, нөхөн сэргээх арга хэмжээг зохион байгуулахаар болсон. МХЕГ-аас 9-р сард Тосон нуур, Бүрд нуурын ус, эмчилгээний шаварт шинжилгээ хийж зарим үзүүлэлтээр "IV ба V зэргийн бохирдолтой" гэж тодорхойлсон бөгөөд бохирдлыг арилгах, нөхөн сэргээх ажлын хүрээнд 2020 оны улсын төсөвт 200 сая төгрөгийг төсөвлөсөн байна. Мөн амралт, сувиллын газруудын үйл ажиллагааг нэг жилийн хугацаатай түр зогсоохоор болжээ.

Хамгийн чухал нь газар эзэмшлийг цэгцлэх, газар зохион байгуулалтын ерөнхий болон хэсэгчилсэн дахин төлөвлөлт хийхээр болсон байна. Үүнд би их баяртай байна. Учир нь миний бие 2018 оны төгсгөлд Хэнтий аймгийн АЖ-ын мастер төлөвлөгөөг боловсруулах ажлын хүрээнд дараах зөвлөмжийг өгсөн билээ.

Buyan Choi-н зураг.

Аварга Тосон нуурыг “Эрүүл мэндийн АЖ-ын цогц төв” болгон хөгжүүлэх бүрэн боломжтой юм. Эмчилгээний чанартай рашаан ус, шаврын нөөцөөр МУ-д 9-д ордог том нөөцтэй. Нуурын орчин дахь амралт сувиллын газруудын үйл ажиллагааг цэгцлэх, зөвшөөрөлтэй хэрнээ үйл ажиллагаа явуулаагүй байгаа ААН-ийн лицензүүдийг цуцлах, гүний худагтай зургаан ААН-ийг түшиглэн бусад 100 гаруй амралт сувиллын газрын байршлыг хөдөлгөж цэгцтэй гудамж үүсгэх, нүхэн жорлонгуудыг булах, шинээр орчин үеийн стандарт шаардлага хангасан ариун цэврийн байгууламжуудыг дэмжих талаар тусгасан.

• Эрүүл мэндийн нэгдсэн төвтэй байх

• Уламжлалт эмчилгээний төв

• Бариа заслын төв

• Эрүүл зөв хооллолтын төв

• Орон нутгийн хүнсийг дэмжсэн зоогийн газар

• Бясалгалын төв

• Саун, иллэг массажийн төв

• Эрүүл мэндийн гоо сайхны төв

• Оюун ухааны дасгалын төв

• Фитнесс, дасгал хөдөлгөөний төв

• Орон нутгийн аялал жуулчлалын төв

• Ногоон төгөл – цэцэрлэгт хүрээлэн

• Нуурын Эрүүл Амьдралын бүтээгдэхүүн – үзэсгэлэн

Гэх мэт үйл ажиллагааны давхардсан бус шийдлүүдийг хэрэгжүүлэх боломжтой юм. Зөвхөн “нуурын ус шаврын эмчилгээ” гэдэг “хайрцагласан” сэтгэлгээнээс нь гаргах хэрэгтэй.

Ч.Буянбадрах 

Олон улсын аялал жуулчлалын хөгжлийн төв 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.