Боомоор дөрвөн үхэр хорогджээ

Twitter Print
2014 оны 10-р сар 28-нд 12:38 цагт
Мэдээний зураг,

Налайх дүүргийн 6-р хорооны нутаг Тэрэлжид 2014.10.18-ны өдөр Урд өвөлжөө хэмээх газар Төв аймгийн Эрдэнэ сумын 3 дугаар багын малчин н.Баатартөмөрийн дөрвөн үхэр тодорхой бус шалтгаанаар хорогдсон байна. Улмаар тус хорооны мал эмнэлгийн эмч нар үзлэг хийж, дээж аван Улсын мал эмнэлэг ариун цэврийн төв лабораторид хүргүүлжээ.

Шинжилгээний урьдчилсан хариу гарч хүн, мал, амьтны халдварт боом өвчний халдварын улмаас хорогдсон болохыг тогтоож 2014 оны 10 дугаар сарын 18-22-ны хооронд Мэргэжлийн хяналтын хэлтэс, мал эмнэлэг, ОБХэлтсийн нийт 20 хүний бүрэлдэхүүнтэй баг ажиллаж, мал, амьтны боом өвчинтэй тэмцэх зааврын дагуу хуурай ус урсдаггүй, ус тогтохгүй өндөрлөг газрыг сонгон нүх ухаж, шатааж булж ариутгал халдваргүйжүүлэлт хийж устгасан байна.

Ард иргэдэд сэрэмжлүүлэхэд:
-Боом өвчин нь хүн малын халдварт өвчин ба малаас хүнд халдварлах аюултай халдвар авсан тохиолдолд яаралтай эмнэлэгт ханд, хугацаа алдвал үхэлд хүргэнэ
-Гэнэт үхсэн малд хүрэлгүй /өвчиж, шулж/ хээрийн амьтан шувуу ойртуулалгүй малын эмчид яаралтай мэдэгдэх
-Боом өвчний үүсгэгч нь үрэнцэр буюу хуяг үүсгэн газрын хөрсөнд 20-150 жил амьдрах чадвартай. 
-Хүнд боом өвчний арьсны хэлбэр гэдэсний хэлбэр элбэг тохиолддог. Малтай харьцахдаа биедээ ил шарх сорвигүй байх /ил шарх сорвио лент нааж, боож, бээлий өмсөх/, малын мах, сүүг заавал буцалгаж хэрэглэх.

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.