М.Жордан 30 жилийн өмнө анхны тоглолтоо хийж байлаа

Twitter Print
2014 оны 10-р сар 28-нд 11:43 цагт
Мэдээний зураг,

Сагсан бөмбөгийн спортын бүх цагийн хамгийн шилдэг тоглогч М.Жордан одоогоос 30 жилийн өмнө NBA-д анхны тоглолтоо хийж байлаа. Тухайн үед “Чикаго Буллз”-“Вашингтон Баллетс”-ыг талбай дээрээ 109:93-аар хожиход М.Жордан 16 оноо, 6 самбар, 7 оновчтой дамжуулалт гүйцэтгэжээ. Тэр цагаас хойш дэлхий нийтэд “нисдэг Жордан”, “сагсан бөмбөгийн хаан” гэж алдаршсан Жорданы карьер эхэлсэн түүхтэй. Мэргэжлийн сагсан бөмбөгт маш олон дээд амжилтыг эзэмшдэг түүний онцлох рекордууд нь зургаан удаа шигшээ тоглолтын “үнэ цэнэтэй тоглогч”, бүх цаг үеийн дундаж онооны лидер /нэг тоглолтонд дунджаар 30.6 оноо/, нэг тоглолтонд 30 дээш оноог хамгийн олон удаа авсан, 10 удаа NBA-ийн онооны лидер тоглогчоор шалгарч байлаа.

Бүх цаг үеийн шилдэг тоглогч маань драфтын нэгдүгээр тойргийн эхний сонголтоор Үндэсний сагсан бөмбөгт орж ирээгүй нь түүхийн шоглоом гэлтэй. 1984 оноос хойш нэг тоглолтонд хамгийн олон удаа 30-аас дээш оноо авсан шилгүүд нь М.Жордан 562 удаа, К.Мэлоун 435 удаа, К.Брайант 419 удаа, А.Айверсон 345 удаа байдаг аж.

 

 

Сэтгүүлч М.Золбаатар

E-mail: mongolcom.mn@gmail.com
Утас: 76110303, 76110505

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.