УИХ-ын гишvvн М.Зоригтын туслахыг ТЕГ-аас саатуулжээ

Twitter Print
2014 оны 10-р сар 26-нд 12:13 цагт
Мэдээний зураг,

Ойрын хэдэн хоног улс төр нэлээд бужигнаантай байна. Асуудлын гол нь Ерөнхий сайдыг огцруулах гэсэнтэй холбогдуулан элдэв гүтгэлэг гэмээр мэдээллүүд хэвлэлээр гарч, УИХ-ын нэр бүхий гишүүдэд өөрийнх нь дугаараас өөрт нь хачирхалтай мессэж ирэх зэрэг сонин  содон үйл явдлууд ар араасаа зэрэгцэн болоод байна.

Энэ бүхэнд сандарсан Ерөнхий сайд Н.Алтанхуяг шөнийн 22:00 цагт үүрэн телефоны компаниудын удирдлагыг дуудаж мэдээлэл хийсэн билээ. Үүний дараа тун удалгүй үүрэн телефоны удирдлагууд ч  иргэдийг амраахгүй шөнө дөлөөр залруулга мессэж илгээсэн байх юм. Үнэндээ Засгийн газраас энэ мэдээллийг залруулахын тулд үүрэн телефоны компаниудад ямар хэмжээний зардал төлсөн нь сонин байна.

Тэгээд ч учир мэдэх зарим хүмүүс үүрэн телефоны “үл ойлгогдох”  мессэжний асуудлыг “өөрсддөө хийсэн юм биш үү”  гэж хэлэх юм билээ. Ямартай ч манай тагнуул зэрэг нууцын албаныхан Ерөнхий сайдын “тушаалаар” гэнэтхэн нойр хоолгүй, өдөр шөнөгүй ажиллаж эхэлсэн юм байх. Ингэж ажиллах явцдаа Ерөнхий сайдыг огцруулах бодол санаатай байгаа УИХ-ын гишүүн М.Зоригтын туслахыг ТЕГ-ын ажилтнууд саатуулсан гэнэ. М.Зоригт гишүүн асуудлын учрыг олохоор туслах руугаа яаран сандран явж байгаа гэдгээ твиттерээс олон нийтэд мэдэгдлээ.

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.