Иргэдэд ирсэн мессежийг Европоос явуулжээ

Twitter Print
2014 оны 10-р сар 24-нд 15:09 цагт
Мэдээний зураг,

Энэ сарын 23-наас 24-ны шилжих шөнө 01:31 цагт 99111403, 99114463 зэрэг дугааруудаас иргэдийн гар утсанд “1. Хятад царигаар хилээ сэтлүүлэх үү, 2. Хятадын банканд барьцаалагдах уу, 3. Гадныханд газраа 100 жилээр өмчлүүлэх асуудалд та саналаа хэлнэ үү?” гэсэн тексттэй мессеж ирсэн. Харин өнөөдөр энэ асуудлыг ТЕГ-ын газраас шалгахараа болжээ. Мөн УИХ-ын гишүүн А.Бакейгийн "Мобиком” үүрэн телефоны операторт компанид бүртгэлтэй дугаараас /Өөрийнх нь хэрэглэж байгаа/ түүний өмнөөс бусад руу мессеж илгээсэн үйлдэл гарсан талаар “Мобиком” группийн дэд захирал М.Энхсайхан мэдээлэл хийлээ.

Тэрээр хэлэхдээ “Бид яг одоогоор бусдын утасны дугаарыг ашиглаж мессеж явуулсан энэ тохиолдлын цаана хоёр улсын оператор ашигласныг тогтоогоод байна. Өөрөөр хэлбэл, Румын, Мальта гэсэн хоёр улсын үүрэн холбооны оператороос Монголын хэрэглэгчдийн дугаарыг ашиглаж мессеж явуулсан байна. Ингэхдээ нийт 20 хэрэглэгчийн дугаарыг ашигласан байна. Харин энэ 20 хэрэглэгчээс хэчнээн хүнд мессеж явуулсан нь хараахан тодроогүй. Хүмүүсийн ойлгож байгаа шиг энэ тохиолдол бол ”Мобиком” хакердуулсан, мэдээлэл алдагдсан зүйл болоогүй. Маш энгийнээр хэлэхэд, хулгай, залилан хийж байгаатай адил үйл явдал гэж ойлгож болно. “Мобиком” групп асуудлыг, гарсан алдааг тодорхой болгохоор Үндэсний аюулгүй байдлын зөвлөл болон бусад үүрэн телефоны оператор компаниудтай хамтран ажиллаж байна. Одоогийн байдлаар дээрх хоёр улсын үүрэн телефоны операторууд руу хандаж, монгол руу ирж байгаа урсгалыг таслан зогсоогоод байна” гэсэн юм.

 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.