К.Роналду, Л.Месси хоёрын хэн нь Европын мэргэн бууч болох вэ

Twitter Print
2014 оны 10-р сар 23-нд 17:42 цагт
Мэдээний зураг,

Энэ долоо хоногт Европын хөлбөмбөгийн холбооны “Аваргуудын лиг”-ийн гуравдугаар тойргийн тоглолтууд болсон. Украйны “Шахтёр” өрсөлдөгчөө талбай дээр нь 7:0-ээр бут ниргэж, энэ улирлын анхны гурван оноогоо авсан аж. Мөн Бразил довтлогч Л.Адриано таван гоол оруулсан нь хоёр дахь тохиолдол болсон. Ингэснээр 2014-2015 оны улирлын мэргэн буучдын жагсаалтыг “Шахтёр”-ын Л.Адриано 6 гоолтой тэргүүлж эхэллээ. Түүний ард “Реал Мадрид”-ын К.Бензема 4 гоолтой, “Боруссия Дортмунд”-ын А.Рамос, “Порту”-гийн Х.Мартинс, Я.Брахим, “Рома”-гийн Жервиньо, “Реал Мадрид”-ын К.Роналду, “Арсенал”-ын Д.Уэлбек нар гурван гоолтой бичигдэж байна.

“Аваргуудын лиг” болон “Европа лиг”-ийн түүхэнд Испанийн алдарт хөлбөмбөгчин Рауль 1995-2011 оны хооронд 77 гоол оруулсан. Харин Португалын К.Роналду 2002 оноос хойш 70 гоол оруулж бүх цаг үеийн рекордыг эвдэх нь тодорхой болсон. Мөн түүний мөнхийн өрсөлдөгч Аргентины Л.Месси 69 гоол оруулаад байна. Нэгэн цаг үед төрөн гарсан хоёр шилдэг хөлбөмбөгчин шилдгийн төлөө өрсөлдөж эхэллээ.

 

 

Сэтгүүлч М.Золбаатар

E-mail: mongolcom.mn@gmail.com
Утас: 76110303, 76110505

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.