Нийслэлийн засаг даргын наймдугаар сарын 15-ны А/709 тоот захирамжийн дагуу ХУД-ийн Засаг дарга Ж.Ганхуяг ашиглалтын шаардлага хангахгүй нийтийн зориулалттай орон сууцыг барилгажуулах журмын дагуу “Нэхмэлийн” шар байруудыг дахин төлөвлөлтөд оруулсан байна. ХУД-ийн Засаг даргын тамгын газраас тендер зарлахад “Фүжи” констракшн барилга гүйцэтгэгчээр шалгаруулсан байна. Гэтэл ХУД-ийн Засаг дарга Ж.Ганхуяг нь саяхнаас өөрийн базын компани болох “Орчлон” констракшнаар барилгын ажлыг гүйцэтгэх болсноо “Нэхмэлийн” шар байрны оршин суугчдад дуулгажээ.
Уг нь тендерт шалгарсан “Фүжи” констракшн оршин суугчдад хуучин орон сууцных нь м2 дээр дахин найман м2-ыг нэмж өгнө хэмээн гэрээ байгуулжээ. Харин “Орчлон” констракшн оршин суугчдад нэг ч м2-ыг нэмж өгөхгүй гэсэн учраас “Нэхмэлийн” шар байрны оршин суугчид дүүргийнхээ Засаг дарга Ж.Ганхуягийн хууль бус шийдвэрийг эсэргүүцэн өнөөдөр жагсаж байна.
Энэ мэдээ танд таалагдаж байвал LIKE хийгээрэй. Танд баярлалаа.
