Баянзүрх дүүргийн хэмжээнд 2022 онд үлдсэн 700 гаруй зөвшөөрөлгүй гарааш, хашаа хайсыг буулгахаар төлөвлөж байна

Twitter Print
2021 оны 10-р сар 12-нд 09:45 цагт
Мэдээний зураг,

Иргэдийн эрх ашгийг хамгаалахын тулд шаардлагатай хууль, эрх зүйн алдааг засах болно

Баянзүрх дүүргийн 4,7 дугаар хорооны нутаг дэвсгэр Баянзүрх дүүргийн Эрүүл мэндийн төвийн хойно байрлах олон жил зөвшөөрөлгүй байсан 89 гараашийг буулгаж газрыг чөлөөлсөн.

Тэгвэл уг газар ямар тохижилт хийх талаар УИХ-ын гишүүн Э.Бат-Амгалан, холбогдох дүүргийн удирдлагууд иргэдийн төлөөлөл, дүүргийн эрүүл мэндийн төвийн удирдлагуудтай уулзаж санал бодлоо солилцлоо.

Энэ үеэр УИХ-ын гишүүн Э.Бат-Амгалан хэлэхдээ "Баянзүрх дүүргээс сонгогдсон гишүүд Нийслэл, дүүргийн төлөөлөгч, удирдлагуудтай уялдаа холбоотой ажиллаж шаардлагатай хууль, эрх зүйн алдааг засаж залруулах, нэг хүний эрх ашиг биш нийтийн эрх ашгийг хангахын тулд ажиллаж байна. Дүүрэг орон нутгийн зүгээс хийж буй ажлуудаа сэтгэл гаргаж, чанартай хийх тал дээр онцгой анхаараарай" гэсэн юм.

Иргэдийн зүгээс тус чөлөөлсөн газарт ногоон байгууламж, авто зогсоол, хөгжлийн бэрхшээлтэй иргэдэд зориулсан зам, зогсоол зэрэг тодорхой тохижилтын ажлуудыг хийхийг хүсэж, удирдлагуудын зүгээс ч уг ажлыг хийх болно гэдгээ мэдэгдсэн юм.

Баянзүрх дүүргийн хэмжээнд 2021 онд 400 орчим зөвшөөрөлгүй гарааш хашаа хайсыг буулгасан. 2022 онд үлдсэн 700 гаруй зөвшөөрөлгүй гарааш, хашаа хайсыг буулгахаар төлөвлөж байна гэж Баянзүрх дүүргийн ИООНХХ-ээс мэдээллээ.

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.