Монголын хип хоп хөгжмийн залуу үеийн төлөөлөл болсон залуус Улсын онцгой комисст хандив өргөлөө.
Хөгжмийн ертөнцөд өөрсдийн гэсэн шинэ өнгө төрх, стиль имижийг бүрдүүлсэн реппер Roockie , 168 , Pacrap, Don dior , Wolfizm, Loce нарыг сонсогчид нь андахгүй. Тэд энэ сарын 9-нд “Надад хамаагүй” хэмээх шинэ уран бүтээлээ Youtube-д байршуулж, нэг үзэлт бүрийг гурван төгрөгөөр үнэлжээ. Энэхүү клипийг цацсанаас хойш 222.447 хүнд хүрч, долоо хоногийн хугацаанд сонсогчдоос нэг сая төгрөг цугласан байна. Уг мөнгийг өнөөдөр /2020.03.17/ реппер залуус Онцгой байдлын ерөнхий газарт хандивлалаа.
Дэлхий нийтээр цар тахлын хэмжээнд хүрсэн коронавирусийн эсрэг тэд ийнхүү нэгдэж, залуу үеийнхэндээ үлгэр дуурайлал болох зорилгоор ийнхүү сайн үйлсийн аянд нэгджээ.
Реппер Roockie , 168 , Pacrap, Don dior , Wolfizm, Loce нар нэгдэн “Надад хамаагүй” хэмээх шинэ уран бүтээлийг хүргэе.
Г.Ганаа
Энэ мэдээ танд таалагдаж байвал LIKE хийгээрэй. Танд баярлалаа.
