Австралийн хэвлэл мэдээллийн байгууллагууд мэдээгээ Facebook-д байршуулах боломжгүй болжээ

Twitter Print
2021 оны 02-р сар 18-нд 09:38 цагт
Мэдээний зураг,

Facebook компаниас гаргасан шийдвэрийн дагуу Австралийн хэвлэл мэдээллийн байгууллагууд мэдээ мэдээллээ Facebook нийгмийн сүлжээнд байршуулах боломжгүй болжээ.

Үүнтэй холбоотойгоор Австралийн оршин суугчид Facebook нийгмийн сүлжээнээс мэдээ мэдээлэл уншиж, хуваалцах боломжгүй болсон ба Facebook дэх Австралийн засгийн газрын зарим агентлагуудын албан ёсны хуудаснуудыг хаажээ. Facebook компаниас ийм алхам хийх болсон нь Австралийн засгийн газраас санаачилсан хуулийн төсөлтэй холбоотой юм.

Уг хуулийн төслийн дагуу Facebook, Google зэрэг компаниуд хэвлэл мэдээллийн байгууллагуудын мэдээг өөрийн платформдоо байршуулсаныхаа төлөө тухайн байгууллагад тодорхой хэмжээний мөнгө төлөх аж. Facebook компаниас гаргасан шинэ журмын дагуу Австралийн хэрэглэгчид Facebook нийгмийн сүлжээнээс мэдээ мэдээлэл уншиж, хуваалцах боломжгүй болж байгаа ба Австралийн хэвлэл мэдээллийн байгууллагууд Facebook-д мэдээ мэдээлэл нийтлэх эрхгүй болжээ.

Түүнчлэн дэлхий даяар Австралийн хэвлэл мэдээллийн байгууллагуудын мэдээний линк хаягийг нийтлэх, хуваалцах боломжгүй болсон байна. Австралийн цагдаагийн газар, онцгой байдлын алба, цаг уурын албаны Facebook дэх албан ёсны хуудаснуудыг хүртэл хаасан нь олон тооны иргэдийн бухимдлыг төрүүлээд байна.

Эх сурвалж: BBC

Содномцэрэнгийн Энхзаяа 

mongolcom.mn 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.