Кейт Миддлетон олны өмнө ил гарав

Twitter Print
2014 оны 10-р сар 23-нд 09:50 цагт
Мэдээний зураг,

Өчигдөр буюу Мягмар гарагт хоёрдахь хүүхдээ тээж байгаагаа зарласнаас хойш олон нийтийн өмнө харагдаагүй Кембриджийн гүнгийн ахайтан Кейт Миддлетон анх удаа ил гарав. Сингапурын Ерөнхийлөгч Тони Тан Кенг Ям Англи улсад Төрийн айлчлал хийж байгаатай холбогдуулан албан ёсны арга хэмжээнд оролцохоор Букингамын ордонд хүрэлцэн ирсэн аж. 

Хөл хүнд болсноосоо хойш нэлээн хүнд бөгөөд ховор төрлийн жирэмсний хордлогонд орж, бие нь муудаад байсан Кейт Миддлетон үнэхээр дур булаам, сайхан харагдаж байсан хэмээн хэвлэл мэдээлийнхэн онцолжээ. Ханхүү Жоржийн ээж Миддлетон Алексанрд Мквийний хийцийн, цагаан цэнхэр өнгийн дөрвөлжин хээтэй, бэлхүүс барьсан пальто өмссөн нь дөнгөж томорч байгаа гэдсийг нь тодотгож ер бусын үзэсгэлэнтэй харагдаж байсан гэж дурджээ. 

Одоо 12-14 орчим долоо хоногтой жирэмсэн тэрээр тэр оройдоо Лондоны Үндэсний түүхийн музейд нээгдсэн 2014 оны онгон байгалийн шилдэг зурагчидийн гаргасан үзэсгэлэнг мөн үзэж сонирхсон байна. Энэ арга хэмжээнд тэрээр алдарт дизайнер Женни Пакамын урласан усан цэнхэр өнгийн нөмрөгөөр гоёж ирсэн байна. Түүний нөхөр, ханхүү Виллиам эхнэртээ онцгой анхаарал тавьж байсан гэж уг арга хэмжээнд оролцогчид дурсчээ.  

Хааны ордоныхны болон сурвалжит гаралтай эмэгтэйчүүдийн хувцас загварын сүүлийн хандлагыг тодорхойлох болсон Кембриджийн ахайтан Миддлетон Alexander McQueen болон Jenny Packham нарын бүтээсэн загварыг онцгой таашаадаг билээ. Тэрээр хувцас загварын онцгой мэдрэмжтэй гэж үнэлэгддэг бөгөөд хуримынхаа даашинзыг алдарт Sarah Burton-оор урлуулсан юм.

Кейт Миддлетоны өмссөн хувцасны загвар тэр дороо мода болдог бөгөөд эрэлт хэрэгцээтэй байдаг гэнэ. Энэхүү загварын урсгалыг “Middleton Effect” буюу "Кейтийн нөлөөлөл" гэж албан ёсоор нэршихэд хүржээ.  

Өнгөрсөн Даваа гарагт Хааны ордоны хэвлэлийн төлөөлөгч гүнж Миддлетон, ханхүү Виллийм нар хоёр дахь хүүхдээ 2015 оны 4-р сард төрүүлнэ хэмээн албан ёсоор зарласан билээ. 

32 настай Кейт Миддлетон жирэмсний хордлогын улмаас 9 сараас хойш нийтэд харагдаагүй нь олон нийт түүний төлөө санаа зовоход хүргэж түүнд зориулж хүмүүс янз бүрийн зөвлөгөө өгөх зэргээр сэтгэлийн дэм өгч байсан. Түүнийг ийнхүү олон нийтийн өмнө гарсанд олон нийт сэтгэл ханамжтай байгаагаа илэрхийлжээ.

Эх сурвалж: https://www.yahoo.com/style/kate-middleton-makes-first-public-appearances-since

Сэтгүүлч Ц.Мөнхбаяр

E-mail: mongolcom.mn@gmail.com
Утас: 76110303, 76110505

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.