Уулын Карабах дахь дайныг зогсоох зөвшилцөлд хүрчээ

Twitter Print
2020 оны 11-р сар 10-нд 11:17 цагт
Мэдээний зураг,

Арменийн Ерөнхий сайд Никол Пашинян ОХУ-ын Ерөнхийлөгч Владимир Путин болон Азербайжаны Ерөнхийлөгч Ильхам Алиев нартай Уулын Карабах дахь дайныг энэ сарын 10-наас эхлэн зогсоох хамтын мэдэгдэлд гарын үсэг зуржээ.

Тэрээр энэ талаар, "Энэхүү мэдэгдлийн маань агуулга миний хувьд болон манай ард түмний хувьд сэтгэл өвтгөм юм. Нөхцөл байдлыг маш сайн тунгаасны эцэст ийм шийдвэр гаргаж байна. Энэ бол ялалт биш, бас ялагдал ч биш. Бид өөрсдийгөө хэзээ ч ялагдсан гэж бодохгүй." хэмээн өөрийн фэйсбүүк хуудсандаа бичжээ. Уулын Карабах дахь зэвсэгт мөргөлдөөн өнгөрсөн 9-р сард эхэлсэн ба энэ хугацаанд Армени, Азербайжаны эрх баригчид хэд хэдэн удаа галаа зогсоох гэрээ хийсэн ч гэрээнийхээ нөхцлийг удаа дараа зөрчсөөр байсан юм.

Азербайжаны Ерөнхийлөгч Ильхам Алиев ОХУ-ын Ерөнхийлөгч Владимир Путинтэй цахим уулзалт хийх үеэрээ Уулын Карабахд ОХУ болон Туркийн энхийг сахиулагчид хамтран ажиллах тухай дурдсан ба ОХУ, Туркийн төрийн тэргүүн нарт Уулын Карабах дахь зөрчлийг зохицуулахад тусалж дэмжсэн явдалд талархаж буйгаа илэрхийлжээ. ОХУ-ын 1960 энхийг сахиулагчид хэдэн зуун машин техникийн хамтаар Уулын Карабах руу хөдөлсөн байна. Цэргийн албан хаагчдыг Ульяновскийн онгоцны буудлаас Ил-76 онгоцоор Уулын Карабахын бүс нутаг руу хүргэж өгч байгаа ба энхийг сахиулагчид эхний ээлжинд тус бүс нутагт 5 жилийн хугацаагаар байрлах аж.

Эх сурвалж: Interfax.ru

Содномцэрэнгийн Энхзаяа 

mongolcom.mn 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.