Токио хотын ойролцоо хүчтэй газар хөдлөлт боллоо

Twitter Print
2021 оны 10-р сар 08-нд 10:34 цагт
Мэдээний зураг,

Токио хотоос зүүн зүгт байрлах Чиба засаг захиргааны нэгжид өнгөрсөн пүрэв гарагийн орой 5.9 баллын хүчтэй газар хөдөлжээ.

Японы NHK сувгаар мэдээлснээр Чиба засаг захиргааны нэгжид газар хөдлөлтийн улмаас хөнгөн бэртсэн хэд хэдэн дуудлага бүртгэгджээ.

Японы Ерөнхий сайдаар хэдхэн өдрийн өмнө томилогдсон Фүмио Кишида газар хөдлөлтийн улмаас хохирсон иргэдэд тусламж дэмжлэг үзүүлэхийг албаны хүмүүст үүрэг болгосон байна.

Газар хөдлөлтийн улмаас зарим чиглэлд галт тэрэгний хөдөлгөөнийг зогсоосох ба Ерөнхий сайд Фүмио Кишида галт тэрэгний операторуудаас газар хөдлөлтийн улмаас гэртээ харьж чадаагүй иргэдэд гэртээ харихад нь туслахыг хүсчээ.

Ерөнхий сайд Фүмио Кишидагийн мэдэгдсэнээр хамгийн сүүлд Токиод 5 баллаас дээш хүчтэй газар хөдлөлт 2011 оны 3-р сарын 11-нд бүртгэгдсэн аж. Тухайн үед Япон улсын зүүн хойд хэсэгт 9 баллын хүчтэй газар хөдөлж, газар хөдлөлтийн улмаас цунами үүсч, амиа алдаж, сураггүй алга болсон иргэдийн тоо 20 мянгыг давсан юм.

Түүнээс гадна цунамигийн улмаас Фукушимагийн АЦС-ын цахилгаан тасарч, цөмийн реакторын хөргөх систем нь унтарч, цацраг идэвхт бодис алдагдсан билээ.

Өнгөрсөн пүрэв гарагт болсон газар хөдлөлтийн чичирхийлэл Токиод хүчтэй мэдрэгдсэн ба газар хөдлөлтийн чичирхийлэл мэдрэгдсэн бүс нутгуудад байрлах атомын цахилгаан станцуудад ямар нэг доголдол гараагүй гэдгийг Японы Сайд нарын танхимын Нарийн бичгийн дарга Хироказү Мацүно онцолжээ.

Эх сурвалж: CNN

Содномцэрэнгийн Энхзаяа 

mongolcom.mn

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.