АНУ: Вакциныхаа 2 дахь тунг хийлгэсэн иргэд гадаа амны хаалт зүүхгүй явж болно

Twitter Print
2021 оны 04-р сар 28-нд 10:53 цагт
Мэдээний зураг,

АНУ-ын Өвчнийг хянах, өвчнөөс урьдчилан сэргийлэх төвөөс коронавирусын эсрэг вакциныхаа 2 дахь тунг хийлгээд 14 хоносон иргэд гадаа амны хаалт заавал зүүх шаардлагагүй гэсэн зөвлөмж гаргажээ. Шинэ зөвлөмжийн дагуу вакциндаа бүрэн хамрагдсан иргэд гадаа ганцаараа эсвэл цөөн тооны хүмүүстэй байхдаа амны хаалтаа авч болох аж.

Харин битүү орчинд болон олон хүн цугларсан газар иргэд амны хаалтаа зүүх шаардлагатай гэжээ.

Өнөөдрийн байдлаар АНУ-д вакциндаа бүрэн хамрагдсан буюу 2 тунгаа хийлгэсэн 95 сая гаруй хүн байна.

АНУ-ын Ерөнхийлөгч Жо Байден, "Манай эрдэмтэд вакциндаа бүрэн хамрагдсан иргэд коронавирусын халдвар авах, коронавирусын халдварыг бусдад тараах магадлал өчүүхэн бага гэж үзсэн. Та вакциндаа хамрагдсан бол илүү ихийг хийх боломжтой болно гэсэн үг юм." хэмээн вакциндаа хамрагдаж амжаагүй иргэдийг "эх оронч" үйлдэл хийж, вакциндаа идэвхтэй хамрагдахыг уриалжээ. Тэрээр, "Вакцин хийлгэснээр та өөрөөсөө гадна эргэн тойрныхоо хүмүүсийн амьдралыг аварна. Түүнээс гадна вакцин нь та биднийг хэвийн амьдралдаа эргэн ороход тусална." хэмээн онцолжээ.

АНУ-ын Эрүүл мэндийн салбарын мэргэжилтнүүд гадаа болж буй жижиг болон дунд зэргийн хэмжээтэй уулзалт цуглаанд иргэд амны хаалтгүй оролцож болно гэж зөвлөж байгаа ба үүнд гадаа дасгал хөдөлгөөн хийх, хүлээн авалт зохион байгуулах зэрэг багтах аж. Эрдэмтдийн хийсэн судалгаагаар коронавирусын халдварыг гадаа байхдаа авч болох ч гадаа байгаа нөхцөлд халдвар дамжих магадлал өчүүхэн бага аж.

Түүнчлэн вакциндаа бүрэн хамрагдсан хүмүүс бусдад коронавирусын халдвар тараах магадлал маш бага болох нь тогтоогдсон байна. Мэргэжилтнүүдийн хэлж байгаагаар вакциндаа бүрэн хамрагдсан иргэдийг амны хаалт зүүхийг зөвлөж байгаа нь вакциндаа хамрагдаагүй иргэдийг халдвараас хамгаалах зорилготой аж.

АНУ-д коронавирусын вакцинд хамрагдаж буй иргэдийн тоо өсч байгаатай зэрэгцэн коронавирусын халдварын тохиолдлын тоо тогтвортой буурч байгаа аж. 4-р сарын 26-ны байдлаар Америкийн нийт хүн амын 42 орчим хувь нь буюу 141 сая хүн коронавирусын эсрэг вакцины 1 эсвэл 2-р тунд хамрагдсан байна.

Эх сурвалж: https://www.bbc.com/news/world-us

Орчуулсан: Содномцэрэнгийн Энхзаяа

mongolcom.mn

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.