АНУ-ын их дээд сургуулиудын дотоодын сургалтын төлбөрөөр монгол оюутнуудыг сургах алхамууд хийгджээ

Twitter Print
2021 оны 02-р сар 28-нд 14:20 цагт
Мэдээний зураг,

ОЮУТНУУДАА АНУ-ЫН ДОТООДЫН СУРГАЛТЫН ТАРИФААР СУРАЛЦУУЛАХ, МАГИСТР, БАКАЛАВРИЙН ТӨЛБӨРИЙГ 20.000 ОРЧИМ ДОЛЛАРААР БАГАСГАХ ЭХНИЙ АЛХАМУУД ХИЙГДЛЭЭ.

Манай Улс гадаадад суралцаж байгаа оюутнууддаа нийт 3 төрлийн зээл олгодог. Дэлхийн шилдэг их дээд сургуульд тэнцсэн оюутнууддаа 2010-2020 онд 420 оюутанд зээл олгосон байна. 2021 онд гадаадад суралцдаг овюутнуудад зориулсан зээлийн хэмжээ 5,8 тэрбум, Магистр, докторын сургалтын 46 оюутанд 2,7 тэрбум төгрөг зарцуулжээ.

Эдгээр асуудлаар Боловсролын сайд Л.Энх-Амгалан "Боловсрол, шинжлэх ухааны яам гадаадад ч тэр дотооддоо суралцагч оюутнууддаа олгодог зээлийн мэдээллийг ил тод болгох ёстой. Хэрэв хахууль авч, тэтгэлэгт хамруулдаг хүн манай яаманд ажиллаж байгаа бол ажлыг нь аваад явуулна. Авилгатай тэмцэх газраар шалгуулна. Боловсролын салбарт байгаа авилгыг энэ мэтчилэн арилгахгана. Цаашдаа Оюутны тэтгэлгийн санг нээлттэй байх зарчмыг баримтлана.

Бас нэг чихэнд чимэгтэй зүйл гэвэл АНУ-д суугаал элчин сайд Ё.Отгонбаяртай хамтраад АНУ-ын Их дээд сургуулиудад мөрддөг дотоодынх нь сургалтын төлбөрийн нөхцлөөр Монгол Оюутнуудаа сургах эхний алхамууд хийгдсэн.

АНУ-д бакалавр, магистрийн сургалтын дундаж үнэлгээ хамгийн багадаа 30-40.000 ам.доллар байдаг. Тэгвэл бид АНУ-ын засгийн газартай энэ чиглэлийн хэлэлцээрүүдийг хийж АНУ-ын дотоодын тарифаар буюу 7-10 ам.доллараар суралцах боломжийг бүрдүүлэх юм. Одоогоор АНУ-ын 2-3 мужаас бидний энэ саналыг хүлээж авахаа мэдэгдээд байна" хэмээн мэдэгдлээ.

Г.Ганаа

 

 

 
Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.