Токиогийн Олимпийн наадам ирэх жилийн 7-р сарын 23-нд эхэлнэ

Twitter Print
2020 оны 03-р сар 31-нд 10:47 цагт
Мэдээний зураг,

Коронавирусын халдварын дэгдэлтийн улмаас Токиогийн Олимпийн наадмыг нэг жилээр хойшлуулах шийдвэр гаргасан билээ. Тэгвэл ОУОХ-ны удирдах зөвлөл энэ даваа гарагт хуралдаж, Токиогийн Олимпийн наадмын товыг албан ёсоор тогтоосон байна.

ОУОХ-ноос Токиогийн Олимпийн наадмыг 2021 оны 7-р сарын 23-наас 8-р сарын 8-ны хооронд зохион байгуулахаар болжээ. Харин Токиогийн Паралимпийн наадам 2021 оны 8-р сарын 24-нөөс 9-р сарын 5-ны хооронд зохион байгуулагдах аж. Токиогийн Олимпийн болон Паралимпийн наадмыг хойшлуулах шийдвэр нь тамирчид болон тус наадамд оролцох бүх хүмүүсийн эрүүл мэндийг хамгаалах зорилготой бөгөөд Олимпийн наадмын товыг ирэх жил зохион байгуулагдах спортын томоохон тэмцээн уралдаануудтай давхцахгүй байхаар зохицуулж, тогтоосон байна.

Үүнтэй холбоотойгоор ирэх жилийн 8-р сард АНУ-ын Орегон хотод зохион байгуулагдахаар төлөвлөгдсөн Хөнгөн Атлетикийн дэлхийн аварга шалгаруулах тэмцээнийг 2022 он хүртэл хойшлуулсан байна. Токиогийн Олимпийг зохион байгуулагчид Олимпийн наадмын товыг хойшлуулснаар коронавирусын халдварын дэгдэлтийн улмаас цуцлагдсан Олимпийн эрхийн төлөөх тэмцээн уралдаануудыг дахин зохион байгуулах боломж бүрдэхээс гадна тамирчдад дасгал сургуулилтаа хийх хугацаа гарна хэмээн үзэж байгаа аж. Түүнчлэн коронавирусын халдварын дэгдэлтээс өмнө Олимпийн наадмыг үзэх тасалбар авсан иргэдийн тасалбар хүчинтэй хэвээр байх гэнэ.

Tokyo Olympics and Paralympics: New dates confirmed for 2021 - BBC ...

Токиогийн Олимпийн наадам нэг жилээр хойшлогдсон нь Олимпийн наадмын 124 жилийн түүхэнд Олимпийн наадам хойшлогдож байгаа анхны тохиолдол болж байгаа бол Дэлхийн 1-р дайны улмаас 1916, Дэлхийн 2-р дайны улмаас 1944 оны Олимпийн наадам тус тус цуцлагдаж байсан аж. Их Британийн Паралимпийн хороо 2020 оны Токиогийн Олимпийн болон Паралимпийн наадмыг хойшлуулах шийдвэрийг түргэн хугацаанд гаргасан явдлыг сайшааж буйгаа илэрхийлсэн ба ирэх жил зохион байгуулагдах Токиогийн Паралимпийн наадам түүхэн дэх хамгийн том бөгөөд хамгийн шилдэг Паралимпийн наадам болох бүрэн боломжтой гэдгийг онцолжээ. 

Эх сурвалж: BBC

Содномцэрэнгийн Энхзаяа 

mongolcom.mn

 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.