Д.Трамп Олон улсын Эрүүгийн шүүхийн ажилчдын эсрэг хориг тавьжээ

Twitter Print
2020 оны 06-р сар 12-нд 13:36 цагт
Мэдээний зураг,

АНУ-ын Ерөнхийлөгч Доналд Трамп Америкийн зэвсэгт хүчин Афганистанд дайны гэмт хэрэг үйлдсэн эсэхийг шалгаж буй Олон улсын Эрүүгийн шүүхийн ажилчид болон тус байгууллагатай хамтран ажилласан иргэдэд эдийн засаг болон аяллын хориг тавьжээ.

Ерөнхийлөгч Д. Трампын үзэж байгаагаар Нидерландын Гааг хотноо байрлах Олон улсын Эрүүгийн шүүх АНУ-ын хараат бус байдалд халдаж, ОХУ-ын талд ажиллаж байна хэмээн буруутгажээ. Энэ талаар АНУ-ын Төрийн нарийн бичгийн дарга Майк Помпео, " Манай ард иргэдийг ямар ч баримт нотолгоогүйгээр заналхийлэхийг бид тэвчихгүй. Түнш орнууд тэр дундаа Афганистанд бидэнтэй мөр зэрэгцэн алан хядах ажиллагаатай тэмцэж буй НАТО-гийн гишүүн улс орнууддаа хандаж хэлэхэд, та нар дараачийнх нь байх болно." хэмээн дурджээ.

Олон улсын Эрүүгийн шүүхээс Вашингтоны энэхүү шийдвэр нь ОУЭШ-ийн ажилд хөндлөнгөөс оролцох гэсэн оролдлого, тус байгууллагын эсрэг хийж буй ээлжит нэг дайралт хэмээн мэдэгджээ. Олон улсын Эрүүгийн шүүхийн прокурор Фату Бенсуда 2003-2014 онд гарсан хэргүүдийг шалгах хүсэлт гаргасны дотор Талибанчууд энгийн иргэдийг үй олноор нь хөнөөсөн явдал, Афганистаны эрх баригчид болон Америкийн зэвсэгт хүчин, Америкийн Тагнуулын алба хоригдлуудыг тамлан зовоосон хэргүүд багтаж байгаа аж. Олон улсын Эрүүгийн шүүхээс өнгөрсөн 3-р сард дээрх хэргүүдийг шалгахыг зөвшөөрчээ. Олон улсын Эрүүгийн шүүх 2002 онд байгуулагдсан ба дайны гэмт хэрэг, хүн төрөлхтний эсрэг гэмт хэрэг, геноцид үйлдсэн хүмүүсийг шүүх зориулалттай олон улсын шүүх байгууллага билээ. Олон улсын Эрүүгийн шүүхийн гишүүн орон дээрх төрлийн гэмт хэргийг шүүх боломжгүй эсвэл дангаараа шүүх хүсэлгүй бол ОУЭШ нь уг гэмт хэргийг шүүдэг аж. АНУ хэзээ ч ОУЭШ-ийн гишүүн байгаагүй ч Афганистан тус байгууллагын гишүүн орон аж.

Эх сурвалж: Reuters

Содномцэрэнгийн Энхзаяа 

mongolcom.mn 

 

 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.