Техник, технологи хөгжинөө гэж

Twitter Print
2014 оны 10-р сар 17-нд 10:18 цагт
Мэдээний зураг,

Хэдхэн жилийн өмнө л ид шидийг нь гайхаж байсан АНУ-ын “Таймс” сэтгүүл удахгүй таван жилийн дараа гэхэд  хэрэглээнээс гарах таван зүйлийг нэрлэжээ.

Нэгдүгээрт, DVD тоглуулагч удахгүй хэрэглээнээс гарах бололтой. Америкчуудын дунд видео кино нэвтрүүлэгч “Netfix” сүлжээ өргөн тархсан учир DVD тоглуулагч хэрэглээнээс шахагдаж эхэлжээ. Видео кино үзэх хамгийн хялбар бөгөөд сайн арга гэгдэж байсан “Blu-ray” ч үеэ өнгөрөөхөд ойрхон болжээ. “Таймс” сэтгүүл “Netfix” сүлжээг кино ертөнцийн “iTunes” гэж нэрлэсэн байна. 

Дараагаар авто машины зам заагч буюу “Navigation” хэрэглээнээс хасагдах цаг ойртжээ. Сүүлийн зургаан жилийн хугацаанд зам заагч систем бүхий ухаалаг утас тэрбум 300 сая зах зээлд худалдаалагдсан байна. Ингэснээр 2000 оны эхний арван жилд түгээмэл тархсан зөвхөн зам заах үйлдэлтэй машины “Navigation”-ын зах зээл жил бүр 15-20 хувиар хумигдаж байгаа юм. Түүнчлэн өнөөдөр ухаалаг утасны цэнгээ барих хугацаа үлэмж уртсаж, шинээр үйлдвэрлэгдэж буй машин бүрд зам заагч “Navigation” систем суулгадаг болсон билээ. Телефон утасны сүлжээ ашигласан интернэтэд холболт бараг л өнөөдөр үгүй болсон.

Америкчуудын ердөө гуравхан хувь буюу есөн сая хүн л өнөөдөр дээрх аргаар интернэтэд холбогддог ба удахгүй өндөр хурдны кабел, утасгүй интернэтийн сүлжээнд шахагдан алга болох нь гарцаагүй. Ухаалаг утас камертай болсон нь хямд дижитал фото аппаратын хувь заяаг шийдсэн гэж хэлэхэд болно. Хэдийгээр цэнэгээ удаан барьдаг учир дижитал фото аппаратыг ашиглахыг илүүд үзэх хүмүүс байгаа боловч ирээдүйд ухаалаг утасны технологийн хөгжил нь дээр хүмүүсийн хэрэглээг өөрчлөх болно гэж үзэж байна. Эцэст нь өнгөрсөн 70 гаран жилийн турш хэрэглэгдэж ирсэн автомашины түлхүүр түүхийн дурсгал болох цаг хаяанд иржээ. Биет түлхүүргүйгээр зайнаас автомашинаа асаадаг ухаалаг түлхүүр гарсан бол одоо ухаалаг утас энэ бүх үүргийг гүйцэтгэх боломж нэгэнт бий болжээ.

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.