Та чихэрлэг зүйлд хэт их дурлаад байна уу?

Twitter Print
2022 оны 09-р сар 29-нд 08:30 цагт
Мэдээний зураг,

Та чихэрлэг зүйлд хэт их дурлаад байна уу? Өдөр бүр амттан идмээр санагддаг уу?

Дорнын уламжлалт анагаах ухаанд АМТЛАГ АМТ нь дэлүүтэй холбоотой ба хоол боловсруулах үйл ажиллагаанд оролцдог хэмээн үздэг. Амтат төмс гэх мэт байгалийн чихэрлэг хүнс нь шим тэжээлээр баялаг бөгөөд бидний хоол боловсруулах үйл ажиллагааг дэмждэг.

Дэлүүний үйл ажиллагааны тэнцвэр алдагдахад чихэрлэг зүйлс идэх хүсэл ихээр төрдөг.

Стресс, ядаргаа, санаа зовних, ажлын ачаалал хэтрэх зэргээс хамаарч дэлүү хэт их ачаалалтай ажиллахад хүрдэг. Ингээд дэлүүний үйл ажиллагааны тэнцвэр алдагдахад бие махбод нь глюкозыг/сахар/ шаардаж эхэлдэг ба учир нь глюкоз нь эрчим хүч, энергийг үүсгэдэг.

Сахарын хэт их хэрэглээ нь мөн адил дэлүүг сулруулж, хэвийн ажиллах боломжгүй болгодог.

Чихрийн хэрэглээтэй холбоотой зарим зөвлөгөөг дор оруулав.

1. Бясалгал хийх, зүү төөнө эмчилгээ хийлгэх, дасгал хөдөлгөөн хийж стрессээ бууруулах.

2. Жороор олгосон уламжлалт эм танг хэрэглэн дотор эрхтний тэнцвэргүй байдлыг зохицуулах. Дотор эрхтнүүд тэнцвэртэй болсны дараагаас чихрийн хэрэглээг хянах боломжтой болох юм.

3. Хангалттай амрах. Ядаргаа бол сахрын хэт их хүслийн гол шалтгаан юм. Орой 23 цагаас өмнө унтаж амрах хэрэгтэй.

4. Дэлүүг дэмжих хүнсийг түлхүү хэрэглэх. Үндэст ногоо, ясны шөл, овьёос, чихэрлэг төмс, боргоцой, жигнэсэн алим, лийр, шанцай, цагаан гаа зэргийг өдөр тутамдаа хэрэглэснээр дэлүүг тэтгэх болно.

5. Магнийг нэмэлтээр хэрэглэх. Магни дутагдах үед бие махбод сахрын хэрэглээг шаардаж эхэлдэг.

6. Чихэрлэг зүйлс идснийхээ дараа өөртөө хатуурхаж, буруутай юм шиг сэтгэл зүйг бүү тээгээрэй. Энэ нь стрессийг улам нэмэгдүүлж чихэр хэрэглэх хүслийг улам нэмэгдүүлэх магадлалтай. Гол нь бүх зүйлийг тохиромжтой хэмжээгээр хэрэглэх хэрэгтэй ба хэт хатуу дэглэм барьж өөрийгөө улам стрессдүүлэх шаардлагагүй юм.

7. Чихрийн хэт их хэрэглээгээ хянахын тулд тэвчээр, цаг хугацаа шаардлагатай ба дэлүүг бэхжүүлж биеэ тэнцвэржүүлсний дараагаас энэ хүсэл нь буурч нэг мэдэхэд та чихэр, амттан зэргээс татгалзаж, зохистой хэрэглээг баримталж сурсан байх болно.

Орчуулсан: УАУ их эмч, зүү төөнө заслын их эмч Э.Туул

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.