Гаалиар оруулж ирсэн гар утастай холбоотой зөрчилд 60 сая төгрөгийн торгууль ногдуулсан

Twitter Print
2021 оны 10-р сар 05-нд 12:57 цагт
Мэдээний зураг,

Эхлэл Брэнд ХХК-аас өнгөрөгч есдүгээр сарын 22-ны өдөр монгол инженерүүдийн бүтээсэн гэх Hulan21 Plus нэртэй анхны ухаалаг гар утсыг танилцуулж, албан ёсны нээлт хийсэн.

Гэвч бүрэн ажиллагаатай гар утсыг сэлбэг хэмээн мэдүүлж татвар төлөхөөс зайлсхийсэн байж болзошгүй тул шалгалтын ажиллагааг эхлүүлээд байгаа гэж Гаалийн ерөнхий газраас мэдээлсэн.

Hulan21 plus утсанд ашиглахаар БНХАУ-аас захиалсан 4400 ширхэг төхөөрөмж гааль дээр төвлөрөөд байгаа аж.

Гэвч бүрэн ажиллагаатай гар утсыг сэлбэг хэмээн мэдүүлж татвар төлөхөөс зайлсхийсэн байж болзошгүй тул шалгалтын ажиллагааг эхлүүлээд байгаа гэж Гаалийн ерөнхий газраас мэдээлсэн билээ. Үүнтэй холбоотой нэмэлт тайлбарыг ГЕГ-аас өнөөдөр өглөө.

ГЕГ-ын зөрчил хянан шийдвэрлэх, хэрэг бүртгэлтийн албаны дарга Б.Сүхбаатар: Гар утас болон түүний сэлбэгийн торгуульд тухайн зөрчлийн хуулийн зүйлчлэлээс хамааран нөхөн төлүүлсэн татварын 50 хувьтай тэнцэх торгууль ногдуулдаг. Хуулийн этгээдийн бизнесийн нууцлалтай холбоотой учир энэ талаарх нарийн мэдээллийг өгөх боломжгүй.

Монгол Улс Дэлхийн Гаалийн байгууллагад 1991 онд нэгдэн орсон ба үүнд Барааг тодорхойлж кодлох олон улсын конвенцийг мөрддөг. Энэхүү конвенцийн 2.а-д зааснаар задалж салгасан, угсарч нийлүүлээгүй бараа таваар эцсийн бараа бүтээгдэхүүний шинж чанарыг хадгалж байх юм бол тухайн зүйл ангид хамааруулна гэж байдаг ба энэ зарчмын дагуу гаалийн дагуу гар утас хэмээн үзэж гаалийн бүрдүүлэлт хийсэн. Үүнд ойролцоогоор 170 сая төгрөгийн нөхөн татвар, 60 гаруй сая төгрөгийн торгууль төлүүлэхээр урьдчилсан байдлаар шийдвэрлэсэн. Гэхдээ зөрчлийн хэрэг үргэлжилж байгаа учраас илүү дэлгэрэнгүй мэдээлэл өгөх боломжгүй байна.

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.