Ч.Болдбаатар Улаанбаатар хотын цагдаагийн газрын даргаар томилогдлоо

Twitter Print
2014 оны 10-р сар 16-нд 09:09 цагт
Мэдээний зураг,

Цагдаагийн албаны тухай шинэчилсэн хуулиар Нийслэлийн Цагдаагийн газрыг Улаанбаатар хотын Цагдаагийн газар болгон өөр­чилж, даргыг нь Цагдаагийн Ерөнхий газрын дарга, Нийс­лэлийн Засаг даргатай зөв­шилцөн томилохоор болсон.  Ингэхдээ анх удаа Цагдаагийн газрын даргыг нээлттэй сонгон шал­гаруулж, зургаан хүн нэр дэвшин цагдаагийн хурандаа Ч.Болдбаатар томилогдлоо.  2014 оны аравдугаар сарын 15-нд буюу өчигдөр Нийслэлийн Засаг дарга Э.Бат-Үүл цагдаагийн хурандаа Ч.Болд­баа­тарт батламжийг нь гардууллаа.

Энэ үеэр Э.Бат-Үүл хэлэхдээ “Нийслэлийн Цагдаагийн газрыг Улаанбаатар хотын Цагдаагийн газрын дарга гэж өөрчилсөн нь нэр өөрчлөх төдий биш, агуулга, бүт­цийн өөрчлөлтийг давхар хийж байгаа юм. Нэр дэв­шигчид мөрийн хөтөлбөр боловсруулан, иргэдэд танилцуулж, олон нийтийн сүлжээгээр санал авч сонгосон нь энэ удаагийн томилгооны гол онцлог байлаа" гэсэн аж. Мөн “Иргэний төлөө-Найрсаг цагдаа” хөтөл­бөрийг боловсруулан олонхийн санал авч тус албанд томилогдсон цагдаагийн хурандаа Ч.Болдбаатарт ажлын амжилт хүслээ.

 

 

Сэтгүүлч М.Золбаатар

E-mail: mongolcom.mn@gmail.com
Утас: 76110303, 76110505

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.