Миланд хувийн онгоц оффисын барилга дээр унаж, 8 хүн нас барлаа

Twitter Print
2021 оны 10-р сар 04-нд 11:20 цагт
Мэдээний зураг,

Италийн Милан хотод байрлах оффисын хоосон барилга дээр хувийн онгоц унаж, онгоцонд байсан 8 хүн бүгд амиа алджээ.

Сардинийн арлууд руу нисч байсан нэг моторт Пилатус хувийн онгоц нь Миланы Линате олон улсын нисэх онгоцны буудлаас хөөрсөн аж.

Онгоцыг 68 настай Румынийн тэрбумтан Дан Петреску жолоодож байсан ба онгоцонд түүний эхнэр хүү хамт явж байсан талаар Италийн хэвлэл мэдээллийн хэрэгслүүдээр мэдээлж байна.

Онгоц оффисын эзгүй барилга дээр унасан ба барилгын ойролцоо зогсож байсан хэд хэдэн автомашин шатсан аж. Онгоцонд байсан зорчигчдоос өөр хүн амь насаа алдсан, шархдсан гэсэн мэдээлэл байхгүй байна.

Цагдаа нар ослын шалтгааныг тодруулах ажиллаж байна. Гэрчүүдийн мэдээлж байгаагаар онгоц барилга дээр унахаасаа өмнө галд автсан байжээ.

Үл хөдлөх хөрөнгийн бизнес эрхэлдэг байсан Дан Петреску нь Румыний хамгийн баян чинээлэг хүмүүсийн нэг бөгөөд тэрээр эхнэр, 30 настай хүүгийн хамтаар осолдсон байна.

Онгоцонд Дан Петреску болон түүний гэр бүлийн гишүүдээс гадна хэн байсан нь одоогоор тодорхойгүй байна

Эх сурвалж: BBC

Содномцэрэнгийн Энхзаяа 

mongolcom.mn

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.