НҮБ: Халдвар авсан хүний тоо долоо хоногт 10 мянгаар нэмэгдэнэ

Twitter Print
2014 оны 10-р сар 16-нд 08:23 цагт
Мэдээний зураг,

“Эбола”-гийн халдвар авсан хүний тоо 12 дугаар сарын эхээр долоо хоног тутамд 10 мянгаар нэмэгдэж болзошгүй гэж НҮБ-ын Аюулгүйн зөвлөл анхааруулав.

НҮБ-ын "Эбола”-гийн эсрэг хариу арга хэмжээ авах газрын дарга Энтони Банбери тус газрын төв байрлах Ганын нийслэл Аккра хотоос дүрс бичлэгээр Аюулгүйн зөвлөлд үг хэлжээ.

Тэрбээр Дэлхийн эрүүл мэндийн байгууллагын мэдээнээс иш татан, шинээр халдвар авсан тохиолдлын тоо одоогийн байдлаар долоо хоногт 1000-аар нэмэгдэж байгаа бол 12 дугаар сарын эхээр энэ тоо эрс өсөж, долоо хоног тутамд 10 мянган шинэ тохиолдол бүртгэгдэх төлөвтэй байна гэжээ.

12 дугаар сарын 1 гэхэд халдвар авсан хүмүүсийн наад зах нь 70 хувийг анагааж, булшнуудын 70 хувийг халдваргүйжүүлэх шаардлагатай байна гэж Энтони Банбери хэлжээ.

Эдгээр зорилтуудыг биелүүлэхгүй бол, дэлхий дахин урьд өмнө нь байгаагүй, ямар ч төлөвлөсөн зүйл үгүй нөхцөл байдалтай тулгарна гэдгийг тэрбээр анхааруулсан байна.

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.