Коронавирусаар Хятадад нас барсан 17 хүний нас нь 48-89 насны хооронд байна

Twitter Print
2020 оны 01-р сар 24-нд 13:37 цагт
Мэдээний зураг,

ДЭМБ, БНХАУ-ын Хубэй мужийн Ухань хотод шинэ төрлийн коронавирус 2019-nCoV-тай уушгины хатгалгаа өвчний дэгдэлт гарсны дараа энэ сарын 22, 23-ны өдрүүдэд Яаралтай байдлын хороогоо (Онцгой байдлын хороо ч юм уу) хоёр өдөр дараалан хуралдууллаа.

Энэхүү хуралдаанаар "Олон улсын эрүүл мэндийн онцгой байдал (PHEIC: Public Health Emergency of International Concern)” гэж үзэх эсэх талаар ярилцсан боловч “хараахан эрт байна" гэсэн саналуудад үндэслэн шийдвэр гаргахаа хойшлуулсан байна. Олон зүйлийн талаар хараахан тогтоогдоогүй байгаа тул онцгой байдлын хороо 10 орчим хоногийн дараа буюу Ерөнхий нарийн бичгийн дарга шаардлагатай гэж үзвэл дахин хуралдах болно хэмээсэн байна (ДЭМБ-ын вэбсайт).

ДЭМБ-ын Ерөнхий нарийн бичгийн дарга Тедрос Онцгой байдлын хорооны хэвлэлийн бага хурал “Хятадад хүнээс хүнд дамжиж буй халдвар нь зөвхөн өвчтний гэр бүлийн гишүүд болон эмчилгээнд оролцсон эрүүл мэндийн ажилтнуудаар хязгаарлагдаж байгаа ба хятадаас гаднах улс оронд хүнээс хүнд халдварласан тохиолдол хараахан гараагүй байгаа” тухай дурдсан байна.

Онцгой байдлын хороо халдварын эх үүсвэр, дамжих зам зэргийг тодорхойлох талаар ДЭМБ-тай хамтран ажиллахыг, мөн өвчний тархалтыг зогсоох дорвитой арга хэмжээ авахыг Хятадын Засгийн газраас хүсэж байгаа бөгөөд бусад улс орнуудад ч идэвхтэй хяналт, эрт илрүүлэг, тусгаарлах, эмчлэх, халдварын хавьтлын мөрдөж холбоо барих болон 2019-nCoV халдварын тархалтыг таслан зогсоох зэргээр бэлэн байдалд байж, ДЭМБ-тай аливаа мэдээллийг бүрэн хуваалцах шаардлагатай байгааг уриалсан байна. (Энэ удаа онцгой байдал зарлахад Хятад улсаас гаргаж өгсөн мэдээлэлүүд хангалтгүй байна гэж үзсэн гэнэ).

Лхагва гарагт болсон Онцгой байдлын хороон дээр Хятадын холбогдох албаны хүмүүс яг одоогийн байдлаар нас баралт 4% (557 тохиолдлын 17) , болон эпидемиологийн сүүлийн шинэ мэдэээлэл болон хүчтэй хамгаалах арга хэмжээний (Ухань болон ойролцоох бусад хотуудын нийтийн тээврийн системийг хаах) талаар тайлбарлаж, Япон, Солонгос, Тайланд, Сингапур дахь нөхцөл байдлыг үнэлсэн байна.

• Хүнээс хүнд халдвар дамжсан

• R0 тооцоолол буюу нэг хүнээс хэдэн хүнд дамжих вэ гэдэг нь 1.4-2.5 орчим

• Нэг эмнэлгийн байгууллагад нэмэгдэж байгааг тогтоосон

• Онош батлагдсан тохиолдлуудаас хүндэрч байгаа тохиолдол 25%-тай

• Өвчин үүсгэгчийн эх үүсвэр одоогоор баттай болоогүй (хамгийн их магадлалтай байгаа нь амьтнаас гаралтай )• Хүнээс хүнд халдварлах хэмжээ түвшин нь хараахан тодорхойгүй гэсэн мэдээллүүд чухал байх болно гэж үзсэн хэдий ч Онцгой байдлын хорооны хэд хэдэн гишүүд онцгой байдал зарлах нь “эрт байна” гэж үзсэн байна.

Хятадын Засгийн газар 1-р сарын 23-ны байдлаар 17 хүн нас барсан тухай мэдээллийг нийтэд мэдээлсэн ба нас баралтын тохиолдлуудын нас нь 48-аас 89 насны хооронд байгаа бөгөөд 40-өөд насанд 1, 50-иад насанд 1, 60-аад насанд 5, 70-аад насанд 2, 80-аад насанд 8 тохиолдол байгаа юм байна.

Ойдовын Батгэрэл Ph.D

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.