Барселона клуб Бенфикад 3:0-ийн харьцаатайгаар хожигдлоо

Twitter Print
2021 оны 09-р сар 30-нд 11:09 цагт
Мэдээний зураг,

Өнгөрсөн шөнө аваргуудын лигийн хэсгийн шатны хоёрдугаар тойргийн хүрээнд Барселона болон Бенфика багуудын тоглолт боллоо. Тус тоглолтод Барселона 3:0-ийн харьцаатайгаар хожигдлоо.

Хоёр багийн тоглолт Португал улсын Лиссабон хотод явагдлаа. Тус тоглолтод Бенфика клуб 3:0 харьцаатай хожлоо. Бенфика клубээс 22 настай Урагвай довтлогч Дарвин Нунез 3, 79 дэх минутад гоолдсон бол Рафа Силва 69 дэх минутад гоол оруулжээ. Ингэснээр Барселона клуб хоёр тоглолт дараалан 3:0 харьцаатайгаар хожигдож хэсгийн сүүлийн байранд бичигдэж эхэллээ.

Мөн Барселона клубийн төвийн хамгаалагч Эрик Гарсиа 87 дахь минутад улаан хуудсаар торгуулан талбайгаас хөөгдсөн бөгөөд дасгалжуулагч Роналд Куменийг тойрсон асуудал үргэлжлэхээр боллоо.

Их хэмжээний өр болон санхүүгийн асуудлын улмаас олон шилдэг тоглогчоо багаасаа явуулсан Каталаны багийн хувьд энэ улиралд дотоод болон гадаадын тэмцээнүүдээ тун тааруу эхлүүлж байна. Роналд Куман тоглолтын дараа “Залуустайгаа бэлтгэл дээр илүү сайн ажиллах хэрэгтэй байх. Би сайн мэдэхгүй байна. Бенфика бол бие бялдрын хувьд хүчтэй, хурдан тоглогчидтой. Эхний болон хоёр дахь гоолын хувьд бид илүү сайн хамгаалах ёстой байсан гэж би бодож байна. Бидэнд гоол оруулах боломж байсан. Бенфика бий болгосон цөөн хэдэн боломжуудаараа гоол оруулсан нь энэ шөнийн хоёр багийн хоорондох ялгаа байлаа” гэж хэлсэн бол тоглолтын шилдгээр нэрлэгдсэн Дарвин Нунез “Энэ бол миний амьдралынхаа туршид мөрөөдөж байсан мөрөөдөл юм. Барселона шиг төгс багийн эсрэг тоглож, гоол оруулсан нь миний хувьд маш их сэтгэл ханамж байлаа. Намайг энэ багт ирснээс хойш намайг дэмжиж ажилласан хамт олондоо баярлалаа. Энэ бол Аваргуудын лигийн энэ жилийн гэртээ хийсэн анхны тоглолт байсан. Бенфикатай тулна гэдэг хэнд ч амаргүй байх болно. Энэ өмсгөлийнхөө үнэ цэнийг бүх зүйлээрээ хамгаалцгаая. Үүнийг алхам алхамаар хийх болно" гэжээ.

Дэлгэрмаагийн Баасанжаргал

mongolcom.mn

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.