Хятадыг хуваах гэсэн оролдлого сайнаар төгсөхгүй гэдгийг хатуу санууллаа

Twitter Print
2019 оны 10-р сар 14-нд 09:37 цагт
Мэдээний зураг,

Хятадын Ерөнхийлөгч Си Жиньпин Балба улсад хийж буй айлчлалынхаа үеэр Хонгконгт болж буй үйл явдалтай холбоотойгоор Хятадыг хуваар гэсэн ямар ч оролдлого "няцарсан бие, үйрсэн ясаар" төгсөх болно хэмээн хатуу анхааруулсан байна.

Өнгөрсөн ням гарагт Хонгконгт зохион байгуулагдсан жагсаал жагсагчид болон цагдаа нар хоорондын мөргөлдөөнөөр төгсч, метроны 27 буудал үйл ажиллагаагаа зогсооход хүрчээ. Хонгконгийн Цагдаагийн газар үймээний үеэр аль болох хүч хэрэглэхгүй байхыг зорьсон хэмээн мэдэгдсэн ч нийгмийн сүлжээгээр тархсан бичлэг дээрээс цагдаа нар худалдааны төвөөр үйлчлүүлж байсан иргэд рүү дайрч, зарим нэгийг нь гэмтээж буйг харж болох аж. Мөргөлдөөний үеэр цагдаагийн нэгэн албан хаагч хүзүүндээ шархдсан талаар эрх баригчид мэдэгдсэн ба түүний биеийн байдал тогтвортой байгаа хэмээн South China Morning Post сонинд бичжээ.

Түүнчлэн өнгөрсөн шөнө Хонгконгийн иргэний хөдөлгөөний хэдэн арван жагсагчид 495 м өндөртэй алдарт Lion Rock уулан дээр Хонгконгийн жагсагчдын бэлгэ тэмдэг болоод буй Эрх Чөлөөний Хатагтай нэртэй хөшөөг сүндэрлүүлсэн байна. 

Image result for Hong Kong protests: President Xi warns of 'crushed bodies'

3 м өндөртэй Эрх Чөлөөний Хатагтай хэмээх хөшөө нь хамгаалалтын малгай өмсч, хорт хийн маск болон шил зүүсэн эмэгтэй хүний хөшөө бөгөөд хөшөөг урласан хүмүүс хөшөөг жагсаалын үеэр цагдаа нарын резинэн суманд оногдож, өрөөсөн нүдээ гэмтээсэн эмэгтэйтэй адилхан урлахыг зорьсон аж. Түүнээс гадна Эрх Чөлөөний хатагтай хөшөө "Хонгконгийг чөлөөл." гэсэн бичиг бүхий хар өнгийн туг барьсан байжээ.

Image result for Hong Kong protests: President Xi warns of 'crushed bodies'

Эрх баригчдын өргөн барьсан хуулийн төслийн эсрэг өнгөрсөн 6-р сараас хойш эхэлсэн Хонгконгчуудын иргэний хөдөлгөөн 4 дэх сараа үргэлжилж байгаа ба иргэний хөдөлгөөнийхөн эрх баригчдад хэд хэдэн шаардлага тавиад байгаа билээ.

Эх сурвалж: BBC

Содномцэрэнгийн Энхзаяа 

mongolcom.mn 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.