"Хүүхэлдэйн театр" намар цагийн үзвэрийн нээлтээ хийлээ

Twitter Print
2014 оны 10-р сар 12-нд 14:31 цагт
Мэдээний зураг,

МУХТеатр нь 66 дахь жилийн намар цагийн үзвэрийн нээлтээ 10-р сарын 11-ээс буюу өчигдөр нээлээ. Тэд сүүлийн 5 жил намар намартаа хөдөө орон нутгийн хүүхэд багачуудад хүрч уран бүтээлээ толилуулдаг байсан бол энэ жил хотын хүүхэд багачууддаа “Хүүхэлдэйн театртай танилцаарай буюу багц жүжгүүд”-ийн аянаа эхэлж байна.

Тус театрын хамт олон энэ жил 10 залуу жүжигчнээр ам бүлээ нэмээд уран бүтээлдээ ханцуй шамлан ороод байгаа бөгөөд тэдгээр залуус хотын төв талбай болон “Бөмбөгөр”,  “Нарантуул” захууд  дээр очиж үлгэрийн баатруудын зургаар чимсэн номын хавчуургыг ард түмэндээ бэлэг болгон тараажээ.

Уг аяны хүрээ нь 3-7 насныханд зориулсан “Хүүхэлдэйн жүжгийн багц, 8- дээш насныханд зориулсан “Хүүхдийн жүжгийн багц” гэсэн ангилалтай ба, Хүүхэлдэйн жүжгийн багцад:
-       В.Катаев “Долоон дэлбээт цэцэг”
-       Монгол ардын үлгэр “болдоггүй бор өвгөн”
-       С.Маршак “Тэнэг бяцхан хулгана” жүжгүүд.
Хүүхдийн жүжгийн багцад:
-       С.Эрдэнэболд, Ц.Хулан “Лусын хааны охид”
-       О.Уайльд “Одноос төрсөн ханхүү”
-     С.Маршак “Арван хоёр сар” жүжгүүд  багтсан байна.

Багц тус бүр гурав гурван жүжгээс бүрдэх ба тасалбарыг 50%-ийн хямдралтай буюу ердөө 5000 төгрөгний үнэтэй. Үзэгч хүүхдүүд маань 10,11,12 саруудад жүжгүүдээ нэг нэгээр нь хүлээн авч үзэх бөгөөд хүсвэл аав ээж, эмээ өвөө,  ах эгчтэйгээ дээрх үнээр үзэх боломжийг тус театр олгож байна. Энэхүү аяны хүрээнд цэцэрлэгийн бяцхан хүүхдүүдийгээ ч мартаагүй. Учир нь хүйтний улирал эхэлж байгаатай холбогдуулж явуулын мини театраараа цэцэрлэг дээр нь хүрч үйлчлэх арга хэмжээг зохион байгуулах аж.

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.