“Боко Харам”-ын эсрэг тууштай тэмцэнэ

Twitter Print
2014 оны 10-р сар 10-нд 15:05 цагт
Мэдээний зураг,

Нигерийн Ниамей хотод баруун Африкийн зарим улсуудын төлөөлөгч уулзалт хийлээ. Энэ үеэр Нигери, Нигер, Чад, Бенин, Камеруны гадаад хэргийн сайд нар “Боко Харам” бүлгийн эсрэг нэгдэхээр боллоо. Сири, Иракт “Исламын улс”-ын дайчдын амжилтанд урамшсан “Боко Харам”-ын алан хядагчид Нигерийн зүүн хойд нутгийн 25 хотыг хяналтандаа авч түрэмгий үйлдэл хийх нь ихэссэн байна. Мөн Нигер, Чад, Камерун улсын нутагт нэвтэрч халдлага үйлджээ. Сүүлийн арван жилд 10 мянга гаруй хүний аминд хүрсэн энэхүү бүлгийн эсрэг тууштай тэмцэх уриалгыг АНУ тэргүүтэй холбоотон дэмжихээ бас мэдэгдсэн аж.

Энэ оны дөрөвдүгээр сарын 14-нд Нигерийн хойд хэсгээс 200 гаруй охиныг “Боко харам” бүлэглэл барьцаалсан. Тус алан хядах бүлэглэлийн толгойлогч мэдэгдэхдээ өөрсдийн талын 300 гаруй хүнийг шоронгоос суллуулах хүртэл охидыг барьцаална гэж байв. Харин Нигерийн Засгийн газар өнөөдрийг хүртэл тэдэнтэй хэлэлцээр хийхээс татгалзаад байсан. Хэрэв шоронд байгаа алан хядах бүлэглэлийн хүмүүсийг суллавал террорист халдлага улам газар авна гэсэн юм. Гэхдээ барьцаанд байгаа охидын эцэг эх удаа дараа шаардлага тавьж байгаа учир хэлэлцээр хийх болсон талаар мэдэгдсэн байна. “Боко харам”-ын гишүүд өөрсдийн саналаа хэлэхдээ нэг охиныг нэг хоригдлоор солино гэсэн юм. Мөн эхний ээлжинд 30 хүнийн нэр өгчээ.

 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.