Фүмио Кишида хүүгээ ажлаас нь халжээ

Twitter Print
2023 оны 05-р сар 30-нд 13:00 цагт
Мэдээний зураг,

Японы Ерөнхий сайд Фүмио Кишида том хүү Шотарогоо Ерөнхий сайдын ордонд хувийн үдэшлэг зохиосон явдалтай холбогдуулан Японы Ерөнхий сайдын улс төрийн асуудал хариуцсан нарийн бичгийн даргын албан тушаалаас нь огцруулжээ.

Ерөнхий сайдын том хүү Шотаро өөрийн найзуудтайгаа Ерөнхий сайдын ордны улаан хивс дэвссэн шатан дээр шинээр томилогдсон засгийн газрын гишүүдийн адил зогсож мөн хэвтэж зургаа авахуулсныг нь Японы Шүкан Бүншүн сэтгүүл нийтэлжээ.

Өнгөрсөн оны 12-р сарын 30-нд болсон уг үдэшлэгийн үеэр авсан зарим гэрэл зургууд дээр зочид хэвлэлийн бага хурал хийж байгаа мэт тайзан дээр индэрийн ард зогсож байгааг харж болох юм.

Өнгөрсөн даваа гарагийн орой Ерөнхий сайд Фүмио Кишида, "Улс төрийн асуудал хариуцсан нарийн бичгийн дарга, төрийн албан тушаалтны хувьд түүний үйлдэл зохисгүй байсан учраас миний бие түүнийг өөр хүнээр орлуулж, хариуцлага хүлээлгэхээр шийдсэн." хэмээн мэдэгджээ.

Японы Сайд нарын танхимын нарийн бичгийн дарга Хироказү Мацүно Ф. Кишидагийн хүүгийн зохион байгуулсан үпэшлэгийг "зохисгүй" хэмээн тодорхойлж, цаашид ийм явдлаас сэргийлэх үүднээс Ерөнхий сайдын ордны ашиглалт үйлчилгээний менежментийг сайжруулна гэдгээ амлажээ.

100 орчим настай уг байгууламж нь өмнө нь Ерөнхий сайдын албан оффисын үүргийг гүйцэтгэж байсан ба 2005 онд шинэ оффис баригдсанаас хойш Ерөнхий сайдын амьдрах газар болжээ.

Ерөнхий сайд Ф. Кишидагийн хүүгийн хувьд энэ нь төрийн албан тушаалаа хувийн ажил хэрэгтээ ашиглаж олны анхааралд өртсөн анхны хэрэг биш бөгөөд Ерөнхий сайдыг Лондон болон Парист төрийн айлчлал хийж байх үеэр Япон элчин сайдын яамдын машинуудыг хотоор зугаалахдаа ашигласан, засгийн газрын гишүүдэд Лондон дахь тансаг зэрэглэлийн дэлгүүрээс бэлэг авсан хэргээр олны анхаарлын төвд өртөж байсан юм.

Ф. Кишидагийн хувьд өнгөрсөн 12-р сард болсон үдэшлэгт ирсэн зочидтой таарч, мэнд мэдэлцсэн хэдий ч тухайн үдэшлэгт оролцоогүй гэдгээ мэдэгдсэн байна. Тэрээр хүүдээ хатуу сануулга өгсөн хэмээн мэдэгдсэн ч энэ нь сөрөг хүчин, олон нийтийн шүүмжлэлийг намжааж чадаагүй байна.

Ерөнхий сайд Ф. Кишида өнгөрсөн 10-р сард хүүгээ Ерөнхий сайдын дэргэдэх 8 нарийн бичгийн даргын албан тушаалын нэгэнд нь томилсон нь түүнийг том хүүгээ өөрийн залгамж халаагаар бэлдэж байна гэсэн яриа гарахад хүргэсэн билээ.

Шотаро өмнө нь аавынхаа хувийн нарийн бичгийн даргаар ажиллаж байжээ.

Эх сурвалж: The Guardian

Содномцэрэнгийн Энхзаяа

mongolcom.mn

 
Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.
    • Би

      (70.93.178.224) 2021-10-02 06:47
      • 0
      • 0

      Бүү тэнэгт орсоос хөөгдөж ирсэн хонзонгоо тавьдгүй тэнэг түүх мэддэггүй зөнөг

      Хариулах

    • цагаантан

      (66.181.186.50) 2021-09-27 20:04
      • 0
      • 0

      үүлээ чи яагаад ингэж занаад бдгыг чинь мэдэх хүмүүс нь мэднэ дээ

      Хариулах

    • зочин

      (150.129.143.57) 2021-09-27 20:02
      • 0
      • 0

      ЗХУ-тай ойр байгаагүйсан бол хятадын эрхээлд орж хятадын 1 хэсэг болсон байх байлаа. аз болход цагаан үстийн хэлснээр "ЗХУ-н колон" болсон юм.

      Хариулах

    • зочин

      (202.21.115.178) 2021-09-27 16:34
      • 0
      • 0

      Оросууд өөрсдөөл гарсан ш д. Бид нэг сайндаа гаргаагүй шүү

      Хариулах