Модны үндэс шиг хүмүүсийг олсон бол чи маш онцгой хүмүүсийг олж гэсэн үг

Twitter Print
2021 оны 09-р сар 27-нд 16:56 цагт
Мэдээний зураг,

ГУРВАН ТӨРЛИЙН ХҮМҮҮС

1️⃣Навч хүмүүс

2️⃣Мөчир хүмүүс

3️⃣Үндэс хүмүүс

НАВЧ ХҮМҮҮС

Зарим хүмүүс чиний амьдралд модны навч шиг орж ирнэ. Тэд улирлын шинж чанартай. Тэдэнд нэг их найдаад, итгээд хэрэггүй.

Тэд сул дорой бөгөөд чамайг сүүдэрлэх л үүрэгтэй. Яг навч шиг хэрэгтэй зүйлээ аваад, чиний амьдрал жаахан сэрүүсвэл эсвэл амьдралд чинь бага зэрэг салхи үүсвэл тэд яваад өгнө.

Тэдэнд уурлаад хэрэггүй. Тэд тийм л хүмүүс.

МӨЧИР ХҮМҮҮС

Зарим хүмүүс чиний амьдралд модны мөчир шиг орж ирнэ. Навчийг бодвол тэд хүчтэй гэхдээ тэдэнтэй болгоомжтой хандах хэрэгтэй.

Тэд олон улирлын турш чамтай хамт байх ч нэг, хоёр хүчтэй шуурга амьдралд чинь тохиолдвол тэднийг алдах магадлалтай. Байдал хэцүүдээд ирэхээр тэд салж явдаг. Хэдийгээр навчнаас хүчтэй ч тэдэн дээр бүх жингээ тавихаасаа өмнө шалгаж байх нь зохилтой. Ихэнх тохиолдолд тэд том ачааг даадаггүй.

Гэхдээ, тэдэнд уурлаад бас хэрэггүй. Тэд тийм л хүмүүс.

ҮНДЭС ХҮМҮҮС

Модны үндэс шиг хүмүүсийг олсон бол чи маш онцгой хүмүүсийг олж гэсэн үг. Тэд яг модны үндэс шиг олоход хэцүү, харагдах гэж хичээдэггүй хүмүүс.

Тэд чамайг ургуулж, өсгөж, эрүүл амьдруулах зорилготой. Чамайг амжилттай явбал тэд баярлана.

Түмэнд өөрийгөө мэдэгдэх гэж хичээгээд байдаггүй, чамайг аймшигтай шуургад өртсөн ч аваад үлдэх тийм л хүмүүс.

Мод олон навчтай, олон мөчиртэй ч цөөхөн үндэстэй.

С.Эрдэнэбаатар

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.