Цагдаагийн ажилтныг хөнөөсөн Х.Хапаарт 25 жил хорих ял шийтгэлээ

Twitter Print
2014 оны 10-р сар 08-нд 08:34 цагт
Мэдээний зураг,

Ховд аймгийн Булган сумын Бүрэнхайрхан багийн нутаг дэвсгэрт үйл ажиллагаа явуулдаг “Бүрэн” дэлгүүрт цагдаагийн алба хаагч буудуулж амиа алдсан хэрэг 2013 оны дөрөвдүгээр сард гарсан билээ. ЦЕГ-ын даргын тушаалаар Ажлын хэсэг томилогдон хэргийн газарт ажиллаж, гэмт этгээдүүдийг цаг алдалгүй баривчилсан. Албан үүргээ гүйцэтгэж, хулгайн гэмт хэргийг илрүүлэхээр явсан цагдаагийн алба хаагч Б.Төмөрчөдөрийг тус сумын дунд сургуульд сурдаг, 17-19 настай Х.Сайгаш, Х.Сапаргали, Х.Хапаар нар буудсан нь мөрдөн байцаалтын явцад тогтоогджээ. Гэмт этгээдүүд “Гар чийдэнгийн гэрэл тусаж, цагдаа хувцас харагдахаар нь айгаад буудсан” гэж мэдүүлсэн байдаг.

Дээрх хүмүүс долоон удаа хулгай хийсэн нь мөрдөн байцаалтын явцад тогтоогдсон аж. Тэдний гэм бурууг өнгөрсөн долоо хоногийн пүрэв гаригт Дүүргийн эрүүгийн хэргийн анхан шатны II шүүхэд хэлэлцсэн байна. Улмаар шүүхээс Х.Хапаарыг хулгай хийсэн, албан үүргээ гүйцэтгэж явсан төрийн албан хаагчийн амийг бүрэлгэсэн гэм буруутайд тооцож, 25 жил хорих ял оноов. Харин Х.Сайгаш, Х.Сапаргали нарт хоёр жилийн хорих ял оноож, түүнийг мөн хугацаагаар тэнсэн харгалзахаар болжээ. Уг нь хэргийг өмнө нь тус шүүхээр хэлэлцэж, шийдвэрлэсэн бөгөөд давж заалдах шатны шүүх нэмэлт мөрдөн байцаалтад буцаасан юм байна. Хэргийн нэмэлт мөрдөн байцаалт дуусаад ийнхүү дахин шүүхээр хэлэлцсэн аж.

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.