Малайзийн нисэх онгоцыг дахин Энэтхэгийн далайгаас хайж эхлэв

Twitter Print
2014 оны 10-р сар 07-нд 10:52 цагт
Мэдээний зураг,

Куала-Лумпур-Бээжингийн чиглэлд нисч яваад өнгөрсөн гуравдугаар сард сураггүй болсон Малайзын"Боинг777" онгоцыг дахин хайх ажлыг дахин эхлүүллээ. Эрлийг Энэтхэгийн далайн өмнөд хэсгээс эхлүүлсэн бөгөөд хайгуулын ажилд дуу авиа хэмжигч төхөөрөмжөөр тоноглогдсон тусгай хөлөг онгоц ашиглаж байгаа аж. GO Phoenix нэртэй хайгуулын уг хөлөг онгоц 1800 километр газар хайгуул хийжээ. Эрлийн ажлыг удирдаж байгаа Австралийн тээврийн аюулгүй байдлын агентлагийн тэргүүн, "Энэ эрлийн ажлыг Малайз болон Австрали улс санхүүжүүлж байгаа учир алга болсон онгоцны байршлыг зайлшгүй олж тогтоох болно" гэжээ. 239 зорчигчтой явсан Боинг 777 онгоц нь өнгөрсөн гуравдугаар сарын 8-нд ор сураггүй алга болсон билээ. Австралийн албаныхан онгоц сүйрэх үедээ автомат жолоодлогтой байсан гэсэн таамаглал дэвшүүлсэн бөгөөд Австралийн баруун хойд хэсэг болох Перт хотын ойролцоо Энэтхэгийн далайд осолдсон байж магадгүй гэнэ.Өмнөх хайгуулын ажил дөрвөн сарын өмнө зогссон бөгөөд 110,000 ам дөрвөлжин талбайд далайн гүний судалгаа шинжилгээний ажил хийгээд байгаа аж. 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.