Док Риверс Бен Симмонсыг буцааж авчрахыг хүсч байна

Twitter Print
2021 оны 09-р сар 23-нд 13:43 цагт
Мэдээний зураг,

Филадельфиа 76 багийн бүх одод хамгаалагч Бен Симмонс багаа орхихыг хүсч байна гэсэн мэдэгдэл гараад байгаа. Үүний дараа тус багийн дасгалжуулагч Док Риверс түүнийг багтаа үлдээж чадна гэж найдаж буйгаа хэллээ.

ESPN-ний мягмар гаригт мэдээлснээр Симмонс ирэх долоо хоногоос багийнхаа бэлгэлд оролцохгүй бөгөөд 76-ийн төлөө дахин тоглох бодолгүй байгаа гэжээ.

Симмонс наймдугаар сард багийн удирдлагуудтай уулзах үеэрээ солилцоонд орохыг хүсч буйгаа мэдэгсэн гэдгийг Док Риверс Лхагва гаригт баталжээ. Док Риверс ESPN-нд өгсөн ярилцлагадаа "Спортод ийм зүйл тохиолдож байгаагүй биш олон удаа тохиолдож байсан. Тэр эргээд ирнэ. Тэгэхээр бид үүнийг даван туулна. Үүнийг багийнхаа төлөө хамгийн сайнаар хийх болно. Гэхдээ би урьдчилаад хэлж чадна. Бид Бенийг эргэн эгнээндээ нэгтгэхэд дуртай байна. Хэрэв боломж гарвал үүнийг хийхийн тулд хичээнэ. Мэдээж бид Бентэй урт хугацааны гэрээ байгуулсан. Тиймээс түүний хувь заяа бидний гарт байна. Бенийг буцааж авахыг хүсч байна” хэмээн хэлжээ.

Симмонсын Филадельфиа дахь ирээдүй хэрхэх талаарх мэдээллүүд 76-чууд плэй-оффын долоон тоглолтод хожигдсон цувралд тэрээр ердөө 9.9 оноо дунджалсны дараа гарч ирсэн. Бен Симмонс гурван тоглолтод 14 довтолгооны оролдлого хийсэн юм. Симмонс 2020-21 оны улиралд 14.3 оноо, 7.2 самбар, 6.9 оновчтой дамжуулалт дунджилсан. Талбайд 56% -ийн довтолгоотой тоглосон ч 3 онооны шидэлтийнх нь 30% амжилттай болж бүтэн улирлын турш 10 удаа 3-аас шидэх оролдлого хийжээ.

Өдгөө 25 настай Симмонс бүх оддын тоглолтод гурван удаа сонгогдсон бөгөөд NBA-ийн бүх хамгаалалтын багт хоёр удаа багтжээ.

Симмонсын одоогийн гэрээ дуусахад дөрвөн жилийн 147 сая орчим доллар үлдээд байна. Филадельфиа 76 багийн хэвлэл мэдээллийн өдөр 9 -р сарын 27 нд болох бөгөөд бэлтгэл 9-р сарын 28-нд эхлэхээр төлөвлөгджээ.

Дэлгэрмаагийн Баасанжаргал

mongolcom.mn

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.