Х.Хатанбаатар: Фитнес, буудал, сауныг нээсэн ч сургалтын төв багтсангүй

Twitter Print
2020 оны 04-р сар 19-нд 09:22 цагт
Мэдээний зураг,

Хэдхэн хоногийн өмнө сургалтын төв цөөхөн хүүхэдтэйгээр үйл ажиллагаа явуулахаар болсон талаарх мэдээг уншаад суралцагчид бүгд масктай байх, ороход нь халууныг нь үзэх, хичээл дууссаны дараа ариутгал хийх зэрэг бүхий л бэлтгэлээ хангаад байж байлаа.

Харамсалтай нь уржигдар гарсан Захирамжийг хартал "Сургалтын төв" гэдэг үг хасагдаад гарсан байна. Шалтгаан нь ХНХЯамны С.Чинзориг сайдын тушаалаар сургалтын төвийн үйл ажиллагааг нээхгүй байх шийдвэр гарчээ.

Амралтын газар, жуулчны бааз, буудал, саун, фитнес, иогийн клубын үйл ажиллагааг нээсэн хэдий ч сургалтын төв багтсангүй. Логикгүй л шийдвэр болчих шиг боллоо. Гэхдээ нэгэнт ийм шийдвэр гарсан бол дагана аа.

Үйл ажиллагаа явуулах боломжгүй болсон манай байгууллага дахиад хоёр сар энэ байдлаараа үргэлжилвэл дампуурах эрсдэлтэй тул өчигдөр хүнд шийдвэр гаргалаа. Хэдэн сар тэссэний эцэст Монголын Оюун Ухааны Академийн бүх салбарын түрээсийн гэрээ дуусгавар болж, эд хогшлоо агуулахад хурааж, 122 хүний дийлэнх нь цалин орлогогүй болж, гэрээг нь цуцлахаар болж байна даа. Том зургаар харвал эдгээр бэлтгэгдсэн багш, ажилтны цаана олон мянган хүүхэд, залуус оюуны хөрөнгө оруулалт авах боломжгүй болж байгаа нь л харамсалтай.

Khatanbaatar Khandsuren-н зураг.

Үлдсэн цөөн багш, ажилтнууд дээрээ тулгуурлан онлайн сургалт хийх гэж хичээж л байна. Богино хугацаанд үр өгөөжөө өгөхөөргүй өөр хэд хэдэн боловсролын төсөлд хөрөнгө оруулалт хийж, "Удахгүй бүх зүйл хэвийн болно" хэмээн анхнаасаа уужуу бодож, бэлтгэл ажлаа хангаагүй байсан нь байгууллагын удирдлага миний хувьд маш том алдаа боллоо. За, тэгээд энэ аюулт цар тахал намжихаар дахиад эхнээс нь эхэлнэ дээ. "Эрүүл байхад бүх зүйл болно доо" гэсэн өөдрөг бодолтойгоор энэ бичвэрээ дуусгая.

Монголын Оюун Ухааны Академийн захирал Х.Хатанбаатар

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.
    • Erdenechimeg

      (66.181.161.100) 2020-04-20 15:58
      • 0
      • 0

      Gertee bagsh abbal xed be sariin 1 angid orox xvvxed

      Хариулах

    • Erdenechi

      (66.181.161.100) 2020-04-20 15:56
      • 0
      • 0

      Gereeree bagsh abbal sariin xed bol beltgel angi bsan xvvxed namar 1 r angid ornoo

      Хариулах

    • ch vc

      (202.179.27.140) 2020-04-20 11:50
      • 0
      • 0

      zub shiidver mungu huutsuldsun syrgaltiin tuvuud dampuurval dampuuna biz

      Хариулах

    • Туяа

      (103.57.94.54) 2020-04-20 01:17
      • 0
      • 0

      Өдөр өнжүүлэх, сургалтын төвүүдийн ихэнх нь түрээсийн байраар үйл ажиллагаа явуулдаг. Түрээслүүлэгч байгууллагууд нь ядаж 09 сарын 1 хүртэл түрээс авахгүй байж болдоггүй юм байх даа. Төр засаг болон түрээслүүлэгч байгууллагууд анхааралдаа аваарай.

      Хариулах

    • Зочин

      (122.201.27.244) 2014-06-12 10:23
      • 0
      • 0

      Үнэн хэрэг дээрээ зальтай эвдэрсэн охин, энэ нь өөрт нь хэрэгтэй гэж орос сайтад

      Хариулах