Роберт Левандовски Европын алтан шаахай шагналыг хүртлээ

Twitter Print
2021 оны 09-р сар 22-нд 16:10 цагт
Мэдээний зураг,

Европын хувь тоглогчид олгодог хамгийн нэр хүндтэй шагнал болох алтан шаахай шагналыг Польш довтлогч Роберт Левандовски хүртлээ. Түүний хувьд энэ шагналыг анх удаагаа хүртэж байна.

Роберт Левандовски Байерн Мюнхен клубын төлөө өнгөрсөн улиралд Бундеслигт 41 гоол оруулснаар 2020-21 оны Европын Алтан шаахай шагналыг хүртлээ.

Энэхүү шагналыг Европ дахь бүх дотоодын лигийн шилдэг мэргэн буучдад олгодог юм.

Өдгөө 33 настай Левандовски бол Байерн Мюнхен багийн домогт тоглогч 1971-72 онд Бундес лигийн цаг үеийн мэргэн бууч болсон Герд Мюллерийн ардаас оруулсан гоолоороо бичигдэж байна. Тэрээр хэлэхдээ: "Би энэ шагналыг өдөр бүр миний хажууд байдаг бүх хүмүүст зориулмаар байна.” гэжээ.

Польш довтлогчийн өнгөрсөн улирлын амжилт нь 2015 онд Криштиану Роналду 48 гоол оруулснаар Реал Мадридад байхдаа тус шагналыг авснаас хойших хамгийн сайн үзүүлэлт боллоо. Левандовски Бундеслигт 29 тоглолтод 41 гоол оруулсан бөгөөд өмнө нь Лионель Месси 30 тоглолтод Роналду 29 тоглолтод оруулж байжээ.

Энэхүү шагналыг Месси хамгийн олон буюу зургаан удаа хүртсэн бол Чиро Иммобиле, Луис Суарез нар нэг удаа хүртжээ.

Левандовски "Би гэр бүлийнхэндээ, багийн андууддаа, дасгалжуулагчдын бүрэлдэхүүнд болон Байерн клубт талархал илэрхийлье. Би тэдний дэмжлэггүйгээр ийм гайхалтай алдрыг хүртэж чадахгүй байсан. Спортод амьдрал шиг бие биенээ үнэлж дэмжиж, үргэлж шударга байж, бусдад үлгэр дууриал үзүүлэх нь маш чухал. Бид хамтдаа багаараа амжилтанд хүрсэндээ маш их баяртай байна" хэмээн хэлжээ.

Дэлгэрмаагийн Баасанжаргал

mongolcom.mn

 

 
 
 
 
 
 
 
Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.