Рэппер Эйкон эбола тахлын голомтод тоглолтоо хийжээ

Twitter Print
2014 оны 10-р сар 06-нд 10:53 цагт
Мэдээний зураг,

Аймшигт эбола тахал ид хүчээ авч байгаа Африкт очиж тоглолтоо хийсэн анхны рэппер бол Эйкон. Үхлийн гэгддэг Эбола вирусын халдвар Баруун Африкийн орнуудад хурдацтайгаар тархаж, дэлхийн нийтийг айдас хүйдэст автуулаад байгаа билээ. Энэ үеэр “RnB”, хип-хопийн од маань тун өвөрмөц шийдэл олж, тахалын голомтод очиж тоглолтоо хийсэн төдийгүй бусад хамтлаг дуучин шиг тоглолтоо цуцлаагүй юм. Түүний Конгод болсон тоглолтын үеэр тунгалаг, том бөмбөлгөн дотор орж дуулсан байна.

“Олон арван мянган хүн концерт үзэхээр ирсэн, зарим нь халдвар авсан байж магадгүй. Иймээс ингэж өөрийгөө үхлийн аюулаас сэргийлсэн” гэж Эйкон тайлбарлалаа. Уг тоглолтыг 60 мянган хүн ирж үзжээ.

Нэмж өгүүлэхэд, Дэлхийн эрүүл мэндийн байгууллагаас өгсөн мэдээллээр, Эбола цусархаг халууралт өвчний улмаас амиа алдагсдын тоо 1900 гарчээ. Эбола вирус дэгдсэн цагаасаа хойш Африк тивийн түүхэнд байгаагүй хохирол учруулж болзошгүй эрсдэл нүүрлээд байна. Эбола тархсанаас хойш анагаах ухаан түүнийг зогсоох, тархалтыг нь саармагжуулах бэлдмэл гаргаж чадаагүй л байна. 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.