Дампуурч буй “Evangrande” компанийн хувьцаа өчигдөр огцом өсжээ

Twitter Print
2021 оны 09-р сар 23-нд 14:09 цагт
Мэдээний зураг,

Хятадын үл хөдлөх хөрөнгийн хамгийн том компаниудын нэг Evergrande компани дампуурлын ирмэгт ирээд байгаагаа зарлаад байгаа билээ. Тус компанийн зүгээс санхүүгийн тал дээр асуудалтай байгаагаа зарласнаас хойш Evergrande компанийн Хонгконгийн хөрөнгийн бирж дээрх хувьцааны үнэ өнгөрсөн 1 жилийн хугацаанд 84 хувиар буурсан байдалтай байсан.

Харин БНХАУ-ын “Evangrande” компанийн хувьцааны үнэ өчигдөр Хонконгийн бирж дээр огцом өсжээ. Сүүлийн үед алдагдалтай ажиллаж, хувьцааных нь ханш ихэд унаад байсан тус компанийн хувьд энэ нь тун баяртай үйл явдал болсон байна. Тэр тусмаа гадаад улсуудад гаргасан бондын хүү 83.5 сая ам.долларыг төлөх хугацаа тулчихаад байх үед /төлбөрийг пүрэв гаригт буюу өнөөдөр хийх ёстой/ ханш огцом өссөн нь бүр ч азтай хэрэг болжээ.

Гэхдээ өчигдрийн өсөлтийг аз гэхээс илүү ухаалаг ажиллагаа гэж хэлбэл илүү тохирно. Тус компани дотоодын хувьцаа эзэмшигчидтэйгээ тодорхой нөхцөлтэйгөөр гэрээ байгуулсан нь хөрөнгө оруулагчдын итгэлийг нэмэгдүүлж, хувьцааны ханш өсөхөд нөлөөлжээ. Хувьцааны ханш өчигдөр 20, өнөөдөр 10 хувиар өссөн байна. Үл хөдлөх хөрөнгийн салбарт ажилладаг энэ том компани дампуурвал БНХАУ-ын эдийн засагт томоохон нөлөө үзүүлж, цаашлаад гадаад улсын хувьд ч хохирол үүсгэх магадлалтай гэж шинжээчид анхааруулж байв.

Хэвлэл мэдээллийн хэрэгслүүдээр мэдээлж байгаараар Evergrande компанийн өр 300 их наяд ам. долларт хүрсэн аж. Саяхныг хүртэл Evergrande нь БНХАУ-ын үл хөдлөх хөрөнгийн салбарын хоёр дахь том компанид тооцогдож байсан ба дампуурлаа зарласнаар тус компанид зээл олгосон олон тооны байгууллагууд, гэрээт аж ахуйн нэгжүүд асар их хэмжээний алдагдалд орж, Хятадын төдийгүй дэлхийн эдийн засгийн өсөлт, тогтвортой байдалд томоохон нөлөө үзүүлэх юм.

Хонгконгт бүртгэлтэй, Шэньжен хотод төвтэй Evergrande компани нь 200 мянган ажилчидтай ба шууд бус шугамаар жил бүр 3.8 сая гаруй хүнийг ажлын байраар хангадаг байна.

Evergrande компанийг Хятадын тэрбумтан Сю Жиаин үүсгэн байгуулсан ба тус компани нь Хятадын 280 гаруй хотод үл хөдлөх хөрөнгөтэй холбоотой 1300 гаруй төслийг хэрэгжүүлж байгаа аж.

Үл хөдлөх хөрөнгийн бизнесээс гадна Evergrande компани нь цахилгаан автомашин, спорт, соёл амралт, хүнсний салбарт асар их хэмжээний хөрөнгө оруулалт хийжээ.

2010 он тус компани хөлмбөмбөгийн клуб худалдан авч, дэлхийн хамгийн том хөлбөмбөгийн сургуулийг 185 сая ам. долларын хөрөнгөөр барьсан юм.

Түүнээс гадна тус компани 100 мянган хүний суудалтай дэлхийн хамгийн том хөлбөмбөгийн цэнгэлдэхийг барих ажлыг эхлүүлээд байгаа юм.

Сүүлийн жилүүдэд Evergrande компанийн өр огцом нэмэгдсэн ба эдийн засгийн шинжээчид үүнийг тус компани хэтэрхий олон салбарт замбараагүй их хөрөнгө оруулалт хийсэнтэй холбоотой гэж үзэж байгаа аж.

Эх сурвалж: CNN

Содномцэрэнгийн Энхзаяа

mongolcom.mn

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.