Их Британийн тамирчин Энтони Жошуа бямба гаригт Лондонд Александр Усиктай тулалдана

Twitter Print
2021 оны 09-р сар 22-нд 14:56 цагт
Мэдээний зураг,

Мэргэжлийн боксын томоохон тулаанчид болох Энтони Жошуа болон Александр Усиктай энэ амралтын өдөр тулалдана. Тэгвэл дэлхийн аварга асан Жорж Гроувс Энтони Жошуагийн замналын хувьд хамгийн хүнд сорилт хэмээн хэлсэн байна.

Их Британийн тамирчин Энтони Жошуа бямба гаригт Лондонд Александр Усиктай тулалдахаар болоод байгаа билээ. Тэгвэл дэлхийн аварга асан Жорж Гроувз Британи тулаанчийн хувьд хамгийн том сорилттой тулгарч байна.” гэлээ.

Өдгөө 31 настай Жошуа дэлхийн хүнд жингийн WBA, WBO, IBF, IBO хүнд жингийн бүсийг эзэмшиж байгаа. Өдгөө 34 настай Украйн гаралтай тамирчин мэргэжлийн боксийн 18 тулаандаа бүгдэд нь ялж, үүний дотор Тони Беллев, Дерек Чисора гэх тамирчид түүнд ялагджээ.

Жорж Гроувз хэлэхдээ "Техникийн хувьд Усык бол гайхалтай. Тэр крисеринг ангилалд өөрийг хангалттай харуулж яваа. Жошуагийн өдийг хүртэлх карьерийн хамгийн хүнд сорилт болж чадна гэдэгт би итгэж байна. Энэ бол Жошуаг ялагдсан тохиолдолд миний гайхахгүй байх анхны тулаан байх болно. Хэрэв Усик өндөр хурдийг гаргаж, Жошуад олон цохилтыг оновчтой хийж чадвал түүнд ашигтай тулаан явагдана. Жошуагийн цохилтын хүч бол итгэмээргүй боловч хурд нь түүний сул тал болж эцэст нь ядардаг” хэмээжээ.

Бямба гарагт Тоттенхэм Хотспур цэнгэлдэх хүрээлэнд тус тулаан явагдана. 60,000 гаруй хүн тоглолтыг ирж үзэх төлөвтэй байгаа бөгөөд энэ нь 2018 оны 9 -р сард Уэмбли цэнгэлдэх хүрээлэнд Жошуа Александр Поветкинийг буулган авсан тоглолтод цугларсан 80,000 үзэгчдээс 20,000-аар бага юм.

Түүнээс хойш Жошуа Нью-Йоркд Руизд хожигдож Саудын Арабт болсон хариу тулаанд ялалт байгуулж, өнгөрсөн арван хоёрдугаар сард Уэмбли Аренад Болгарын Кубрат Пулевыг ес дэх үед хожиж, коронавирусын хязгаарлалтын улмаас ердөө 1000 хөгжөөн дэмжигч тус тоглолтыг үзжээ.

Жошуа, Усик хоёулаа 2012 оны Лондонгийн олимпоос супер хүнд жин, болон хүнд жинд алтан медаль хүртсэн бөгөөд Их Британи боксчин мэргэжлийн боксийн 25 тулааны 24-т нь ялалт байгууллж, үүнийхээ 22 KO үнэлгээгээр буулган авчээ.

Дэлгэрмаагийн Баасанжаргал

mongolcom.mn

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.