Болгар озэки Японд үлдлээ

Twitter Print
2014 оны 10-р сар 06-нд 08:40 цагт
Мэдээний зураг,

Японы мэргэжлийн сумод Европын бөхчүүдээс хамгийн өндөр амжилт гарган озэки цол хүртсэн Котоошюү энэ оны гуравдугаар сард гэмтлийн улмаас их сумог орхисон. Харин түүний зодог тайлах ёслол өнгөрсөн амралтын өдөр Токио хотод боллоо. Энэ үеэр 350 хүн үсэнд нь хайч хүргэж, хамгийн сүүлд Садогатакэ ояката магэ үсийг нь авсан байна. 2008 оны тавдугаар сарын тэмцээнд түрүүлж, озэки цол хүртэж байсан Котоошюү 68, 69 дэх их аварга Асашёорюү, Хакухо хоёртой нэгэн цаг үед өрсөлдөж байсан хүчтэй бөх юм.

Тэрээр энэхүү ёслолынхоо үеэр “Би та бүхний дэмжлэгтэйгээр 12 жил сумо бөх барилдлаа. Үнэхээр их баярлаж байна” гэж сэтгэгдлээ хуваалцсан. Өдгөө 31 настай Болгар озэки 2005 онд мэргэжлийн сумод элсэж, 18 дахь башёдоо озэки цол хүртсэн нь дээд амжилт байв. Гэвч олон удаагийн бэртлийн улмаас дээгүүр барилдаж чадалгүй зодог тайлсан ч Японы иргэн болж ояката болно гэдгээ албан ёсоор мэдэгджээ.

 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.