Баяртай Инчон, дөрвөн жилийн дараа Жакартад уулзацгаая

Twitter Print
2014 оны 10-р сар 05-нд 19:24 цагт
Мэдээний зураг,

БНСУ-ын Инчон хотод Азийн спортын XVII дахь их наадам амжилттай боллоо. Энэ удаа олон шилдэг тамирчид өөрийн авъяас чадвараа нээн харуулж хурднаас хурдан, өндрөөс өндөр, хүчтэнээс хүчтэй хэмээх Олимпийн их уриан дор шударгаар өрсөлдлөө. “Инчон 2014”-т БНХАУ-ын баг тамирчид хамгийн шилдэг байж багийн дүнгээр тэргүүлсэн. Харин зохион байгуулагч орон хоёрт орсон бол Япон гуравдугаар байр эзэлсэн байна. Манай улсын хувьд өөрийн эх орныхоо олон дээд амжилтыг шинэчлэн тогтоолоо. Өмнө нь жүдо, чөлөөт бөхөөр Азийн наадмын аварга болж байсан. Харин энэ удаа буудлага, боксын тамирчид Азийн наадмын анхны аваргаа өлгийдөн авч таэквондогийн төрлөөс анхын хүрэл медалийг авсан аж. Мөн 21 медалийг Азийн их өрсөлдөөнөөс хүч, хурд, цэц мэргэнээрээ шилдэг нь байж хүртсэн нь дээд амжилтаар бүртгэгдэж байна.

16 хоног үргэлжилсэн шар тивийн спортын их наадамд 45 орны 9501 тамирчин 36 спортын төрөлд 439 багц медалийн төлөө өрсөлдсөн. Үүнээс 37 улс ямар нэгэн медаль авснаас 28 орон алтан медаль хүртэж төрийн дууллаа эгшиглүүлжээ. 1974 онд Ираны Тегеран хотод болсон Азийн наадамд Монгол улс анх удаа оролцож байсан. Тэр цагаас өнөөг хүртэл 20 алт, 37 мөнгө, 80 хүрэл, нийт 137 медаль авсан юм.

Азийн Олимпийн зөвлөл хуралдаж дараагийн их наадмыг 2018 онд зохион байгуулахаар болсон. Дөрвөн жилийн дараах Азийн наадам Индонез улсын Жакарта хотод болно.

"Инчон 2014" Азийн наадмаас медаль хүртсэн орнууд

 

Азийн наадмыг зохион байгуулсан орнууд

 

Сэтгүүлч М.Золбаатар

E-mail: mongolcom.mn@gmail.com
Утас: 76110303, 76110505

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.