“Эрдэнэт” үйлдвэрээр сонин юутай?

Twitter Print
2014 оны 10-р сар 03-нд 17:40 цагт
Мэдээний зураг,

Эрдэнэт үйлдвэр гэдэг энэ их айлын ажил үйлс ямар байгаагаас монголчуудын ахуй амьдрал шалтгаалдаг. Тус үйлдвэрийн хамт олон өнгөрөгч 9-р сард хөгжлийн хөтөлбөрөө хэлэлцэж, дэлхийн аваргатай болсон гээд амжилт ихтэй байна. “Эрдэнэт” үйлдвэр 9-р сард уулын цул гаргалт, хөрс хуулалт, хүдэр олборлолт, боловсруулалт, зэс, молибдений металл авалт зэрэг үйлдвэрлэлийн үндсэн үзүүлэлтээ 100 давсан хувиар биелүүлсэн. Энэ оны эхнээс “Эрдэнэт” үйлдвэр үйлдвэрлэлийн төлөвлөгөөний дагуу тасралтгүй хэвийн ажиллаж байна.

Энэ оны 9-р сарын 19-нд “Эрдэнэт” үйлдвэрийн удирдлагууд, инженер техникийн ажилтнууд компанийг 2015-2025 он хүртэл хөгжүүлэх концепцийн саналыг хэлэлцлээ. “Эрдэнэт үйлдвэр” ХХК-ийн Ерөнхий захирлын орлогч нараар ахлуулсан инженер, техникийн ажилтнууд, зөвлөх инженерүүд оролцсон Концепци боловсруулах ажлын дэд хэсэг хоёр сарын турш ажилласан. Хэлэлцүүлэгт оролцогчид геологи уул уурхай, тээвэр, баяжуулалт, эрчим хүч, ус хангамж, технологи автоматик, санхүү эдийн засаг, маркетинг, хаалт хөгжлийн менежмент, техник технологийн инноваци, зах зээл судлал, гадаад дотоод худалдаа, нийгмийн хөгжлийн дэд хэсгийн танилцуулгад өөрсдийн саналыг оруулав. Хэлэлцүүлгээс гарсан саналуудыг ерөнхий концепцийн бодлогод тусгаж хоёр дахь шатны ажил эхлэх юм.

"Эрдэнэт" үйлдвэрийн ажиллагчдын дунд зохион байгуулсан спортын 36-р наадам өнгөрсөн 9-р сард амжилттай болж өндөрлөлөө. Энэ жил 26 цех, хэлтсийн 900 орчим тамирчин оролцож, 7 хоногийн турш спортын 9 төрлөөр 100 багц медаль, цомын төлөө хурд хүч, авхаалж самбаагаа сорин өрсөлдөв. Наадмын шилдгийн шилдгээр Баяжуулах фабрикийн баг тамирчид тодорч, Гэрээт цагдаагийн хэлтэс, Захиргаа аж ахуйн цехийн хамтарсан баг хоёрдугаар байранд шалгаран, Авто тээврийн байгууллагын баг тамирчид удаалсан байна.

ОХУ-ын Челябинск хотод болсон жудо бөхийн ДАШТ-ний 60 кг-ын жинд “Эрдэнэт” үйлдвэрийн Хангарьд спорт клубын тамирчин, ОУХМ Г.Болдбаатар алтан медаль хүртэж дэлхийн аварга болов. Тэрээр Монгол улсын жудо бөхийн гурав дахь дэлхийн аварга болсон бол Хангарьд клубээс төрж буй жудо бөхийн дэлхийн анхны аварга. Г.Болдбаатар Монгол улсын гавьяат дасгалжуулагч Ш.Бат-Оршихын шавь бөгөөд жудо бөхөөр 14 дэх жилдээ хичээллэж байгаа юм. 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.