Д.Отгондалай хэлсэндээ хүрлээ

Twitter Print
2014 оны 10-р сар 03-нд 15:12 цагт
Мэдээний зураг,

Хэдхэн мөчийн өмнө Монголын баг тамирчид “Инчон 2014”-өөс тав дахь алтан медалиа хүртлээ. Тэр дундаа Азийн наадмын түүхэнд боксчдоос анхны алтан медаль авсан нь түүхэнд тодоор бичигдэж байна. Энэхүү алтан медаль хүртсэн баатар нь Д.Отгондалай билээ. Тэрээр эрэгтэйчүүдийн 60 кг-д бүх өрсөлдөгчөө илт давуу хожсон. Тоглолтын дараа Инчон хотод ажиллаж буй сэтгүүлчид түүнтэй цөөн хором ярилцсан байна.

-Азийн наадмын аварга болж, Инчоны наадамд оролцож буй Монголын шигшээ багийн тав дахь алтан медалийн эзэн боллоо. Баяр хүргэе?

-Түрүүлсэндээ их баяртай байна. Манай боксчид өмнө нь Азийн наадмаас хараахан алтан медаль авч амжаагүй байсан. Монголын боксчид энэ наадмаас аваргатай болохыг зорьж ирсэн. Алтан медалийн төлөө өрсөлдөх нэгээр тогтохгүй тамирчид байлаа. Гэхдээ манай хэд хэдэн тамирчин тийм боломж бусдын нөлөө, шүүлтээс болж алдсанд би маш их харамсч байна. Ийм нөхцөл байдал дунд ганцаараа үлдэхдээ “Би заавал ялж, баг хамт олон, ард түмнээ баярлуулах ёстой” гэж чадахаараа зүтгэлээ. Ний нуугүй хэлэхэд, их хүнд ачаа үүрчихсэн юм шиг өдрүүд өнгөрлөө. Гэхдээ ганц дайчн ганцаардахгүй гэж бодоод, тоглолт анхаарлаа. Үүргээ биелүүлсэндээ баяртай байна. Боксчиддоо хүлээж байсан медалийг нь авч очих болсондоо би туйлын их баярлаж байна.

-Сэтгэлзүйн хувьд их хүнд байсан байх. Та төдийгүй хүн бүхэн энэ алтан медалийг, энэ амжилтыг хүлээж байлаа?

-Хүнд байсан. Сэтгэл санаа маань яг одоо л 100 хувь тайвширч байна. Манай баг хамт олныг сэтгэл санаагаар дэмжсэн бүх хүмүүст баярлалаа.

-Өчигдөр болсон мөнгөн медалийн төлөөх тоглолтын дараа та “Надад ялагдах эрх байхгүй” гэж хэлсэн нь Монголчуудад маань их урам зориг өгсөн. Танд маш олон хүн урмын үг илгээсэн байсан. Үүнийг дамжуулах ёстой байх?

-Маш их баярлалаа. Хэлсэндээ хүрсэндээ баяртай байна.

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.