Дэвид Бэкхэмийн хүү Ромео Бэкхэм Форт Лодердейл багийн төлөөх анхны тоглолтоо хийлээ

Twitter Print
2021 оны 09-р сар 21-нд 15:27 цагт
Мэдээний зураг,

Английн шигшээ, Манчестер Юнайтед багийн тоглогч асан Дэвид Бэкхэмийн хүү Ромео Бэкхэм мэргэжлийн хөл бөмбөгийн дэбют тоглолтоо Форт Лодердейл багаас хийлээ. Тэрээр Форт Лодердейл багт есөн сарын эхээр нэгдээд байгаа билээ.

Английн шигшээ багийн ахлагч асан Дэвид Бекхэмийн хүү Ромео Бекхэм Америкийн гуравдугаар зэрэглэлийн Форт Лодердейл клубт мэргэжлийн хөлбөмбөгийн анхны тоглолтоо хийлээ.

Өдгөө 19 настай залуу өмнө нь өөрийн аавын үүсгэн байгуулсан Интер Миами баг Өмнөд Жоржиа Торментатай 2:2-оор тэнцсэн тоглолтод сэлгээнд багтсан ч гараанд гараагүй байсан билээ.

Харин энэ удаа мэргэжлийн хөл бөмбөгийн анхны дэбютээ ийнхүү хийжээ. Ромео инстаграмдаа "Өнөө орой мэргэжлийн дэбют тоглолтоо хийсэндээ баяртай байна” хэмээн бичжээ.

Тэрээр 9-р сарын эхээр Форт Лодердейл клубтэй гэрээ байгуулсан билээ. Тэрбээр Манчестер Юнайтедийн 92-р ангийг Бекхэмтэй хамт төгссөн Фил Невиллийн хүү Харви Невиллтэй сайн найз бөгөөд одоо нэг багт хамтдаа тоглож буй юм.

Харви Невилл Манчестер Юнайтедын академийг орхиж, АНУ-д аавтайгаа нэгдээд Флорида мужид 16 тоглолт хийгээд байна. Бекхэм тоглолтын 79 дэх минутад сэлгээнд суусан бөгөөд "дараагийн тоглолтод бүх анхаарлаа хандуулж байна" гэжээ.

Хоёр тоглогч 10-р сарын 2-нд Greenville Triumph -ийн эсрэг тоглолтод оролцоно. Харин Дэвид Бекхэмийн хувьд 2007 онд Испанийн аварга Реал Мадрид клубээс ЛА Галакси руу шилжихдээ дэлхий нийтийн анхаарлыг татаж байсан.

Тэрээр 2011, 2012 онд дараалан MLS цомын аварга болж байсан бөгөөд 2019 онд Ла Галакси цэнгэлдэх хүрээлэнгийн гадна түүний хөшөөг босгож, тэрээр зургаан жил тус клубын төлөө тоглосон билээ.

Дэлгэрмаагийн Баасанжаргал

mongolcom.mn

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.