Ж. Байден Украины асуудлаар Үндэсний Аюулгүй байдлын зөвлөлийн хурал зарлажээ

Twitter Print
2022 оны 02-р сар 20-нд 16:36 цагт
Мэдээний зураг,

АНУ-ын Ерөнхийлөгч Жо Байден Украины асуудлаар энэ ням гарагт Цагаан ордны Үндэсний Аюулгүй байдлын зөвлөлийн хурал зарласан тухай Цагаан ордны хэвлэлийн нарийн бичгийн дарга Жэн Псаки мэдэгджээ.

Түүний мэдэгдсэнээр Ерөнхийлөгч Жо Байден Украины нөхцөл байдлыг нухацтай ажиглаж байгаа ба Цагаан ордны Үндэсний Аюулгүй байдлын зөвлөлийн гишүүд болж буй үйл явдлын талаар Ерөнхийлөгч Жо Байденд тогтмол мэдээлж байгаа аж.

Вашингтон ОХУ Украин руу ойрын өдрүүдэд довтолно гэж үзэж байгаа ба өнгөрсөн баасан гарагт АНУ-ын Дэд Ерөнхийлөгч Камала Харрис Мюнхений Аюулгүй байдлын чуулга уулзалтын үеэр АНУ-ын Төрийн нарийн бичгийн дарга ОХУ Украин руу ямар нэг шалтаг зохиож Украин руу довтолно хэмээн АНУ-ын Төрийн нарийн бичгийн дарга Энтони Блинкений мэдэгдсэнтэй санал нийлж байгаагаа илэрхийлжээ. Тэрээр, "ОХУ асуудлыг яриа хэлэлцээрээр шийдвэрлэхэд бэлэн гэж мэдэгдэх хэрнээ яриа хэлэлцээр хийх боломжуудыг үгүй хийсээр байна." хэмээн онцолжээ.

Дэд ерөнхийлөгч Камала Харрисын мэдэгдсэнээр ОХУ Украин руу цэргүүдээ оруулсан тохиолдолд АНУ Украин руу цэрэг илгээхгүй ч НАТО-гийн гишүүн орнуудын нутаг дэвсгэрийг хамгаалах гэнэ.

Эх сурвалж: BBC

Содномцэрэнгийн Энхзаяа

mongolcom.mn

 
Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.