А. Лукашенко Украины дайн сунжирсан гэж үзэж байна

Twitter Print
2022 оны 05-р сар 06-нд 12:20 цагт
Мэдээний зураг,

ОХУ-ын гол түнш болох Беларусь улсын Ерөнхийлөгч Александр Лукашенко ОХУ-ыг дэмжиж байгаа ч Украинд явуулж буй ОХУ-ын дайн нь төлөвлөгөө ёсоор явагдахгүй байгааг онцолжээ. 

Ассошэйтэд Пресс агентлагт өгсөн ярилцлагадаа Беларусийн төрийн тэргүүн ОХУ-ын цэргийн ажиллагааг "сунжирсан" хэмээн тодорхойлжээ. 

Беларусь улс ОХУ болон Украинтай хиллэдэг бөгөөд Беларусийн тал ОХУ-ын зэвсэгт хүчнийхэнд Украин руу Беларусийн талаас орох боломжийг олгосон билээ. 

2020 оны Беларусийн Ерөнхийлөгчийн сонгуулийн үр дүн гарсны дараагаар Беларусь даяар иргэд сонгуулийн үр дүнг эсэргүүцэж, А. Лукашенког адбан тушаалаасаа огцрохыг шаардаж, жагсаал цуглаан зохион байгуулсан билээ. Энэ үед ОХУ-ын Ерөнхийлөгч Владимир Путин Беларусийн Ерөнхийлөгч Александр Лукашенког дэмжиж буйгаа илэрхийлснээр А. Лукашенко төрийн эрхэнд үлдэж чадсан юм. 

Үүний хариуд Беларусийн Ерөнхийлөгч А. Лукашенко ОХУ-д Украин руу халдахад нь тусламж дэмжлэг үзүүлсэн юм. 

Түүний хэлж байгаагаар Украин ОХУ-ыг өдөөн хатгасаар байсан учир ОХУ-д Украин руу халдахаас өөр сонголт байгаагүй аж. Тэрээр, "Уг асуудалтай холбоотой мэдээлэл надад хангалттай сайн байхгүй учраас ОХУ-ын ажиллагаа төлөвлөөгөө ёсоор явж байгаа үгүйг хэлэх хэцүү байна. Гэхдээ ОХУ-ын энэ ажиллагаа сунжирсан гэдгийг онцолмоор байна." хэмээн ярьжээ. 

А. Лукашенко Украины дайн хурдан төгсөөсэй гэж хүсч байгаа ба Беларусийн талаас уг дайныг зогсоохын тулд бүгдийг хийсэн гэжээ. 

Тэрээр ОХУ-ын зүгээс цөмийн зэвсэг ашиглаж болзошгүй талаар дурдсан нь байж болшгүй асуудал хэмээн үзэж байгаагаа илэрхийлжээ. 

Беларусийн зүгээс ОХУ-ын зэвсэгт хүчнийхэнд Украин руу Беларусийн талаас халдах боломж олгосон ч Беларусийн талаас уг ажиллагаанд өөрсдийн цэргүүдээ оролцуулаагүй билээ. 

2020 оны Ерөнхийлөгчийн сонгуулийн  үр дүнтэй холбоотойгоор барууны орнуудын зүгээс хориг арга хэмжээнд орсон Беларусь улс ОХУ-ын Украинд явуулж буй дайныг дэмжсэнтэй холбоотойгоор нэмэлт хориг арга хэмжээнд орох нь тодорхой болоод байгаа билээ. 

НҮБ-ын гишүүн орнуудаас ОХУ-ын Украин руу дайрсан явдлыг дэмжиж саналаа өгсөн цөөн хэдэн улсын нэгд нь Беларусь улс багтсан бол БНХАУ, Энэтхэг тэргүүтэй улс орнууд санал өгөхөөс татгалзсан билээ.

Эх сурвалж: BBC

Содномцэрэнгийн Энхзаяа

mongolcom.mn

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.