Өчигдөр эхэлсэн ОХУ-ын Төрийн Думын сонгууль 3 өдөр үргэлжилнэ

Twitter Print
2021 оны 09-р сар 18-нд 12:54 цагт
Мэдээний зураг,

ОХУ-ын Төрийн Думын гишүүд, орон нутгийн удирдлагууд болон орон нутгийн засаг захиргааны гишүүдийг сонгох сонгууль ОХУ даяар өчигдөр буюу баасан гарагаас эхэлж байна.

Сонгуулийн үйл ажиллагаа коронавирусын цар тахал, халдвар хамгааллын дэглэм тогтоосонтой холбоотойгоор 3 өдөр үргэлжлэх аж.

Москвагийн цагаар оройн 23 цагт Камчатск ба Чукотскийн өөртөө засах оронд санал хураах эхний байрууд нээгдсэн байна.

Санал хураах байрууд нь өглөөний 8 цагаас оройн 20 цаг хүртэл ажиллах ба энэ удаагийн сонгуулиар ОХУ-ын төрийн бүх шатны 31 мянга гаруй мандатыг хуваарилах юм.

ОХУ-ын Сонгуулийн Ерөнхий хорооноос мэдээлснээр ОХУ-ын нутаг дэвсгэр дээр санал өгөх насны нийт 108 сая гаруй иргэн байгаа бол гадаадын улс орнуудад 2 сая гаруй сонгогч бүртгэлтэй байна.

Сонгуулийн үйл ажиллагаанд нийт 96 мянган хүн ажиллаж байгаа ба дэлхийн 144 оронд санал хураах 348 байр ажиллаж байна.

Ерөнхийлөгч В. Путин болон эрх баригч Нэгдмэл Орос намыг хатуу шүүмжлэгчдийн нэг ОХУ-ын сөрөг хүчний тэргүүн А. Навальный энэ удаагийн сонгуулийн үйл ажиллагааг шудрага бус хэмээн, дэмжигчдээ Нэгдмэл Орос намыг дарах чадвартай нэр дэвшигчдэд саналаа өгөхийг уриалжээ.

Эх сурвалж: interfax.ru

Содномцэрэнгийн Энхзаяа

mongolcom.mn

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.