А.Амбасэлмаа: ХӨСҮТ-д эмчилгээнд байгаа нэг хүний биеийн байдал маш хүнд байна

Twitter Print
2020 оны 08-р сар 07-нд 11:27 цагт
Мэдээний зураг,

Эрүүл мэндийн яамнаас ээлжит хэвлэлийн бага хурлаа хийлээ.

ХӨСҮТ-ийн Тандалт, судалгааны албаны дарга А.Амбасэлмаа "2020 оны наймдугаар сарын 06-ны өдөр ХӨСҮТ-ийн вирус судлалын хоёр, Дархан-Уул аймгийн салбар лабораторид нийтдээ 261 хүний сорьцоос шинжилгээ авахад бүгдийнх нь сорьцод коронавирус илрээгүй. Шинжилгээнд хамрагдсан хүмүүсийг дэлгэрэнгүй танилцуулъя.

-2020 оны наймдугаар сарын 06-нд Шинэ Дели-Улаанбаатар чиглэлийн онгоцоор ирсэн 165 зорчигчдийн шинжилгээ,

-Ажиглах байранд тусгаарлагдсан 52 хүний давтан шинжилгээ,

-ХӨСҮТ-д тусгаарлагдсан 6 хүний давтан шинжилгээ,

-Сэлэнгэ аймагт тусгаарлагдсан нэг хүний шинжилгээ,

-Тандалтын зорилгоор цуглуулсан найман хүний шинжилгээ,

-Алтанбулагийн боомтоор орж ирсэн ачаа тээврийн 29 жолоочийн шинжилгээнээс коронавирус илрээгүй байна.

Монголд батлагдсан тохиолдол 293, эдгэрсэн хүн 260, одоо 33 хүн эмчлүүлж байна. Эдгээр хүмүүсийн биеийн байдлыг үнэлбэл 31 хүн хөнгөн, 2 хүн хүндэвтэр байгаа. Эдгэрч гарсан 260 хүмүүсээс сувиллын ажиглалтад 47, гэрийн ажиглалт тандалтад 30 хүн байна. Ажиглалтын хугацаа дууссан 183 хүн байна. ХӨСҮТ-д эмчилгээнд байгаа нэг хүний биеийн байдал маш хүнд байна" гэв. 

Г.Ганаа

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.