Камертон "Их 8"-ын тоглолтонд яагаад оролцоогүй вэ

Twitter Print
2014 оны 09-р сар 29-нд 17:13 цагт
Мэдээний зураг,

Монголын рок попын жинхэнэ акулуудын тоглолт хэмээн рекламдсан нэгэн тоглолт энэ сарын 20-нд болсоныг та бүхэн санаж байгаа биз ээ. 

Зохион байгуулагчид үүнийгээ “Big 8 Best Hits” хэмээн нэрийдсэн бөгөөд энэ нь тоглолтонд оролцох найман хамтлаг дуучдыг илэрхийлжээ. Тэд бол “Чингис Хаан”, “Харанга”, “Хурд “, “Никитон”, “Камертон”, “Номин Талст” хамтлагууд болон Зууны манлай эстрадын дуучин Сараа, поп дива Т.Ариунаа нар юм. 

Үнэхээр ч тэд цагтаа шуугиулж явсан бөгөөд нэг үе Монголын хамгийн алдартай хамтлаг дуучид байсан гэдэгтэй хэн ч маргахгүй. Хүмүүс одоо ч тэднийг сонсох дуртай. Тиймдээ ч 30 мянган төгрөгийн үнэтэй тасалбарууд төвөггүйхэн борлогдож байсан юм. Поп Сараа нийтийн сүлжээгээр дамжуулан фенүүдээсээ санал асууж, хамгийн их санал авсан дуунуудынхаа жагсаалтыг хүртэл гаргаж байсан нь энэхүү тоглолтонд үзэгч болоод оролцогчид аль аль нь өндөр ач холбогдол өгч байсных бизээ.

 

Гэвч энэхүү тоглолт “Их 8”-ын бус “Их 7”-гийн тоглолт болж хувирсан нь үзэгчдийг багагүй гонсойлгоод авсан. Учир нь “Камертон” хамтлаг тайзан дээр гараагүй бөгөөд тэдэнд юу тохиолдов, яагаад үзэгчдээ хүндэлсэнгүй вэ гэдэг асуултууд ар араасаа хөвөрсөн билээ. 

Уул нь тоглолт эхлэхэд тэд дөрвүүлээ байсан, бүр хувцаслаад дуулахад бэлэн байсан ч гэнэт нэг гишүүнд хүндэтгэх шалтгаан гарсны улмаас тоглолтонд оролцоогүй гэж зохион байгуулагчид нь хэвлэлээр дамжуулан тайлбар хийж байгаа. 

Харин эх сурвалжийн мэдээлж буйгаар "Камертон" тоглолтонд оролцоогүй нь нэгэн зодоонтой холбоотой гэнэ. Тодруулбал “Номин талст” хамтлагийн дуучин Т.Дэлгэрмөрөн, “Камертон” хамтлагийн дуучин Эба хоёр тайзны ард маргалдаж, улмаар зодоон цохиондоо тулжээ. Зодоон юунаас эхэлсэн нь тодорхойгүй боловч “муриач” хамтлаг нэр зүүхдээ тулсаныг бодоход нэлээн ширүүн тэмцэл өрнөсөн бололтой. Зарим хүмүүсийн ярих нь хэргийн эзэн, хэнгэрэгийн дохиур нь Т.Дэлгэрмөрөн байсан гэх. Магадгүй энэ нь түүнийг олон удаа хэрэгт төвөгт орооцолдож байсантай холбоотой таамаг биз. 

Ямартай ч гуч гарч яваа эрчүүд тэр дундаа урлагийн хүмүүс зодоон цохиондоо тулж, өөрсдийг нь харахаар мөнгөө төлөөд ирсэн фенүүдээ гонсойлгосон нь ойлгомжтой болов. 

IMGS4860800x600_zps8ef56131
IMGS4860800x600_zps8ef56131
IMGS4860800x600_zps8ef56131

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.