Нийтээр зохицон амьдрах дүрэм:
Хүн рүү олон дахин битгий залга. Утсаа аваагүй бол завгүй, сонсоогүй байна гэсэн үг. Мeссэж үлдээ, эргэж залгахыг хүлээ.
Амралтын өдөр, ажлын бус цагаар ажил ярьж хүн рүү битгий утасд.
Өөрийнхөө зовлонг урдаа барихаа боль. Бусдад хамаагүй.
Мөнгө зээлсэн бол нэхүүлэлгүй зээлсэн мөнгөө буцааж өг. Бага мөнгө, боломжтой хүнээс зээлсэн ч бай, буцааж өг.
Хэн нэгэн таныг хоолоор дайлвал үнэтэй хоол бүү захиал. Хүн бэлэг өгвөл хариуг нь барьж бай, талархаж бай.
Хүнтэй суугаач ээ! Нөхөргүй юм уу? Олигтой хүн олдохгүй байна уу? Чи байртай юу? Хэдийг олдог вэ? гэх мэт асуулт битгий асуу. Танд хамаагүй.
Чиний ажил ч яахав, амархан гэж битгий ярь. Өөрийн чинь ажил хэцүү байгаад бусад хүн буруугүй.
Араас хүн ирж байвал хаалгаа хэдэн секунд л онгорхой барьчих.
Хүнтэй таксидвал ээлжлээд төл.
Хүмүүсийн яриаг хэзээ ч бүү тасал.
Хүн шоолж, завхай яриагаар бусдыг баясгах нь бүдүүлэг, мөн толгой муутайн илрэл. Наргиа угаасаа ухаан шаарддаг. Чадахгүй бол мэддэг юмаа л ярь.
Баг, хамт олон удирдвал хүмүүсийнхээ өмнөөс хариуцлага хүлээж сур. Рестораны менежер үйлчлэгчдээ зөөгчөө муулах нь тэнэг явдал.
Хүний алдааг нэг удаа өнгөрөөчих, олны өмнө түлэлгүйгээр өөрт нь тусдаа зөвлө. Save the face!
Хүний утас, мэйл, фэйсбүүк нээлттэй байж болно. Битгий унш, битгий ух.
Хүн тантай ярьж байхад утсаа ширтэх нь үл хүндлэл. Ярьж байхад нь утсаар ярих бол эхлээд асуу.
Үнэртэй усаа тохируулж цац. Харшилтай, мэлрэг хүмүүс зөндөө бий.
Танаас асуух хүртэл хэзээ ч битгий зөвлөгөө өг.
Гудамжинд хүнтэй таарвал нарны шилээ тайл. Энэ бол хүндэтгэл. Нүдээрээ контактлах чухал.
Хүмүүсийн дунд баянаа битгий гайхуул. Хүүхэдгүй хүний дэргэд үр хүүхдээ битгий ярь. Ажил дээр хувийн амьдралаа битгий дэлгэ. Хүн бүр ардаа амьдралтай, хүүхэдтэй, ажилтай байдаг. Гэртээ ажлаараа, ажил дээрээ хүүхдийн асуудлаараа шалтаглахаа боль.
Лхагвасүрэнгийн Ану-Үжин
Энэ мэдээ танд таалагдаж байвал LIKE хийгээрэй. Танд баярлалаа.
